Wb/qwh/Atuqwan ashnu

< Wb‎ | qwhWb > qwh > Atuqwan ashnu

Huk kutish ,huk atuq chaarinaq huk awkis ashnu mikukur hamakuykaqman . Atuqqa kikinllachaw ninaq :

  • '''Kay awkis ashnum mikunaa kanqa'''. Tsaynash ashnuta ninaq:
  • ¿ imanawllataq kaykanki , yanasa ?Ashnunash kaynaw yaskirinaq:
  • Nuqaqa manam allinawtsu kaykaa . Taqay pirqa pintinqaachawmi Huk kashata harurquu . Tsaymi wiqru chanka purikaa. Qamqa, ¿ imanawllataq kaykanki ?

Atuqnash kaynaw ninaq :

  • Nuqapis manam allinawtsu kaykaa .Mallaq mallaqmi purikaa , uushallapis kaptiykiqa qamtachi mikukurkuqman karqan .

Tsaynash ashnuqa , alli yarpachakurir, ninaq :

  • Yanasa , mallaqaytaqa imanawpapis qunqaratsiimanchi , itsa kay nanatsikuytaqa manam llapan kallpaawanpis tsaripaanatsu. ¿Manaku chakillaachaw kashata hurqarallamunkiman ? Qamqa Allpa yachaq, alli yanasam kanki. Aksay kaytsu, alli kiruykiwan kanikur , kashata hurqaramuy .

Tsayta wiyaarinash atuqqa yapay kikinllachaw ninaq : '''kananqa chankantachi haqchikur apakushaq''' ; tsaypitanash allaapa kushishqa aanirinaq kaynaw nishpa :

  • Hurqaramushaq Ari . Yanasapuraqa yanapanakunantsikmi .

Tsaynash atuqqa ashnuqa chakinta haqchinanpaq witiykur amunaykaptin , ashnuqa llapan kallpanwan shiminchaw haytaykunaq , atuqpa llapan kirunpis shikwanqanyaq ; niykur hachinyaypa hachinyar , waqshaypa waqshar , hiqarinaq hirkakunapa , atuqta paqway upayashqa , shiminpis yawartsashqa , pampachaw hitaraykaqta haqirir .