abangonan koy palbangon, mareereen
anonotan taka; liknak so bimmeleng
inerep koy silew; inyurong kod sulinek
amamayuen koy apalabas; anggad akatuglep
aliingan koy petang na agew ed lupak
aliknak so eras tampulak ya immepas
asabian takan manga-almusal akalespak
agaylay imis mo; singa maamon mansanas
immasinggerak ya singa siwsiw
mananap na puyok; makaka-iliw
balet nen lakapen taka; duma la
narep lay panangaro; untan manaya