Kabayo (mehehehe)
- Siak so mara la ton sinkaten yo
- No walay kapilitan alaen yo
- Agko amtakot so petang tan uran
- Masiglat ak a isagor ed loganan
Baka (baaak)
- Diad liksi, siak so onkokomaduwa
- Ed kaarok ya kabayon postora
- Amin ya trabaho amtak met ra
- Laot lad tiagew say koro yo agon kaida
Dueg (Ngiwak)
- Siak a kaaro yo mapalnay akar ko
- Balet diad biskeg siak isibok yo
- No tiempoy mamaw-uran siak so alisto
- Ed dalin ya pangalaan na abasto
Pusa (Meaw)
- Siak met ingey san kamelagan yo
- Say nayarian ko pankelawan yo
- Diad ambilonget siak et nanengneng ko
- Arawi otot ya manderal kawat too
Aso (Ngong)
- Siopaman et mamabli lan ed siak
- Guardia ed abong angiay pillak
- Matakew et siak so mangipakabat
- Aso ey nangaran ko so lawas pianap
Mangansion ya Amin
- Amin tayon pinalsad sayan mundo
- Baleg melag walay kakanaan to
- Man-aroan ti sirin ya pas-pareho
- Gayaga liket so nasagmaktid mundo