So tölu ngawalö la'a-la'a si teholi ba Nono Niha, yaia da'ö:
- Aitö: ira tuada föna, lakhöli ira ba danö wangalui soguna ero ma'ökhö. Lalau mohalöŵö he teu ba he sino irege la'a-la'a gulira no gaidö-gaidömö. Fa'aitö gulira andrö börö wa'akhozi ba zino. Börö da'ö lafotöi niha da'ö ira tuada föna "niha samakho ba danö". Andrö wa lamanö, la'a-la'a saitö no amaedola niha samakho ba daö ma niha sabölö mohalöŵö.
- Oyo: bua wangahalö niha samakho ba danö ya'ia da'ö okhöta. Mo okhöta yomo ba mo'okhota ba danö ira. Mo'ana'a ba motanö ira. Börö me mo'okhöta ba mo'ana'a ira tola labelegö niha silumana ba niha si tosasa tödö. Barani ira ba we'amöi föna ba wolau si sökhi. Fa'abarani andrö börö me mo'okhöta ira. Andrö lamanö wa la'a-la'a soyo no amaedola niha si lö fa'ata'u ba wolau si sökhi, si lö fa'ata'u ba wobelegö banua. Ibe wirönia ba ana'ania ba wobelegö satulö.
- A'usö: börö me mo'okhöta niha andrö yaŵa, andrö wa iböbözi gama-gamania ana'a, saembu ana'a, nifatö-fatö, rai, bala högö ba tanö bö'önia. Ba wamöbözi gama-gama andrö, ilau gowasa sebua. Andrö wa lafatörö döinia sebua niha sato simane: balugu ndruru, tuha ni'omas'ö zato, balugu yaŵa langi. Töi sebua da'a tetandrösaigö ba ndramatua. Töi sebua ba ndra'alawe simane hadi barasi, futi sitakile, ba tanöbö'önia. Töi sebua andrö no tandra wamolakhömi ya'ira. Andrö lamanö wa la'a-la'a sa'usö no amaedola niha solakhömi sibai.
Fabaliŵa lala
editBale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö