Nidunö-dunö bö'ö: Olayama | Cerpen | Hendri-hendri | Hoho | Hikaya | Kese-Kese | Maena | Manö-manö | Manö-manö Nono Niha | Novela | Seni | Sinunö
So sara nono hambae solangi-langi faoma inania ba nasi.
I'anema'ö i'ila so zadöni dödönia ba mbewe nasi. Iŵaö khö ninania, "He na, ae ohe ndrao ba nöfi." Itema linia inania, "Böi nogu. Böi oi o'ö gofu hadia zi tumbu ba dödöu. Hambae wö ita andre, ba abölö sökhi toröi ita bakha ba nidanö."
Ba lö irongo li ninania ono hambae andrö. Iforege-rege wangandrö ena'ö möi ira ba nöfi. Afuriatania i'o'ö linia inania. Lalau molangi möi yaŵa ba nöfi.
Me no larugi ba omuso sibai dödö nono hambae. Omasi-masi ia wamaigi wa'asökhi mbewe nasi.
Ba hiza ba zi lö mudöna-döna itörö samösa fofo sebua ba idou nono hambae andrö i'a önia.
Abu sibai dödö ninania, ilau mege-ege irege ahori daŵa hörönia. Maniasa sibai ia me no i'o'ö li nononia ba tenga mene-menenia samösa.
Lö wa'i u'anau'ö sa'ae. Si lö tola lö'ö ta'o'ö mene-mene zatua. Abölö la'ila hadia zi faudu ba fagöna, me no oya nitöröra götö wa'aurira.
Sanura: Sirus Laia
Gaya wanura: Aesop