Wb/nia/Mataio/7/Böi tafondrondrongo li zamahaö, samini tödö

< Wb‎ | nia‎ | Mataio‎ | 7
Wb > nia > Mataio > 7 > Böi tafondrondrongo li zamahaö, samini tödö
FAZA 7

15 VI. Miʼangelamaisi zamaʼeleʼö andrö, si falimo, si möi khömi, si so nukha mbiri-biri, ba bakha, ba asu gatua, si manga niha, ira. [1]

16 Ba mbua-buara aboto ba dödömi ira. Hadia, teteteu mbua nagu ba zaʼasaʼa mao, ba ma bua marafala ba lato? [2]

17 Si manö wa iʼowua mbua si sökhi fefu geu si sökhi, ba eu sobou, ba iʼowua mbua si lö sökhi. [3]

18 Tebai iʼowua mbua si lö sökhi eu si sökhi ba tebai iʼowua mbua si sökhi eu sobou.

19 Fefu geu si lö mowua bua si sökhi, ba teʼobö ba tetiboʼö ba galitö. [4]

20 Andrö, ba mbua-buara aboto ba dödömi ira.

21 Lö dozi molala dania ba mbanua zorugo andrö si fasoʼaya khögu, wangumaʼö: He Soʼaya! he Soʼaya! ha soloʼö somasi Namagu andrö, si so ba zorugo. [5]

22 Ato dania zangumaʼö khögu, na luo daʼö: He Soʼaya! he Soʼaya! Hadia, tenga töimö khöma, ba wamaʼeleʼö, ba hadia, tenga töimö khöma, wamofanö bekhu, ba hadia, tenga no oya nifazökhima tandra, soroi ba döimö andrö? [6]

23 Ba ha daʼö dania, ba lö ubiniʼö khöra, umane: Lö urai faʼila khömi, miheta ami khögu, yaʼami solau si lö atulö. [7]


(Mataio 7:15-23)

Famotokhi ba gahe edit

  1. (F. 24, 4. 5. 24. Hal. zin. 20, 29)
  2. (Luk. 6, 44. Yak. 3, 12)
  3. (F. 12, 33 b. t.)
  4. (F. 3, 10)
  5. (Luk. 6, 46. Yak. 1, 22—25)
  6. (Luk. 13, 25 b. t.)
  7. (F. 25, 41)


Faza 7: Böi manguhuku niha ita (1-5) | Böi taʼoʼaya niʼamoniʼö (6) | Tefondrondrongo wangandröda (7-11) | Tuho goroisa (12) | Lala ba mbanua Lowalangi (13-14) | Böi tafondrondrongo li zamahaö, samini tödö (15-23) | Amaedola: Omo nitaruʼö ba dete gara (24-29)



Fabaliŵa lala edit

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö