Wb/nia/Mataio/23/Itegu warizaio Yesu

This page may meet the criteria for speedy deletion. The given reason is: The content of this subpage has been moved to the page, the corresponding chapter of the book. This subpage was created before the better system was figured out at the beginning of the test

If you disagree with its speedy deletion, please explain why on this page. If this page obviously does not meet the criteria for speedy deletion, or you intend to fix it, please remove this notice, but do not remove this notice from pages that you have created yourself.

Administrators, remember to check incoming links and the page history (last edit) before deletion.

FAZA 23

(A. 23, 1—14: Mar. 12, 38—40: Luk. 20, 45—47)

1 I. Ba humede Yesu ba niha sato ba khö ndra nifahaönia, imane:

2 Ba dadaoma Moze dumadao zangila amakhoita andrö ba farizaio.

3 Ba fefu hadia ia, niŵaʼöra khömi, ba miʼoʼö, böi misawö, ba böi miʼoʼö ba mbua-buara; laŵaʼöwaʼö sa, ba lö latörö.

4 Ba laböbö noro sabua ba lahareʼö ba galisi niha, ba yaʼira, ba sara turura lö labeʼe, ba wamaliŵa yaʼia.

5 Afuʼafura laʼila ira niha, andrö lalau fefu nilaura andrö. Laʼeboloʼö sa zura wangerangera andrö khöra, ba laʼebuaʼö mbowobowo mbarura andrö.

6 Ba no omasi ira naha tánö si yaŵa ba gowuloa ba dadaoma tánö si yaŵa ba zekola;

7 ba omasi ira na laʼowai ira ba kade, ba na labeʼe töira zamahaö niha tánö böʼö.

8 Ba böi ndramubeʼe töimi zamahaö, ha sa samösa zamahaö yaʼami, ba si fatalifusö ami fefu.

9 Ba böi faʼama ami ba niha ba guli danö, ha sa samösa Namami, si so ba zorugo.

10 Ba böi ndramaubeʼe töimi zolohe, me ha samösa zolohe yaʼami, Keriso.

11 Enonimi zebuami.

12 Ba samaliʼö salaŵa yaʼia, ba niʼideʼideʼö dania, ba sangideʼideʼö yaʼia, ba nibaliʼö salaŵa.

13 Ba alai ami, sangila amakhoita, ba farizaio, samini tödö! me mikusi mbanua zorugo andrö föna niha; löʼö sa möi ami bakha, ba lö mifaʼamöi bakha zi möi enaʼṍ.

14 Alai ami, sangila amakhoita ba farizaio, samini tödö! me no si manga nomo lakha mbanua ami, ba me miʼoromaʼö wangandrö sarā; andrö tedou huku, nifatörö khömi.

15 Alai ami, sangila amakhoita ba farizaio, samini tödö! me no sanöröi asi, awö danö, ami, ba wamaliʼö soloʼö huku khömi samösa niha, ba na no iʼoʼö, ba mibaliʼö ono narako, mendrua manö na sa moroi khömi.

16 Alai ami, solohe tanga niha böʼö, ba no auʼa ami, sangumaʼö: Na so zameʼe hölu osali, ba si löʼö daʼö, ba na so zameʼe hölu anaʼa gosali, ba nitörö.

17 He sambö tödö, si no auʼa! he zebua ira sa, anaʼa, ba ma osali, sameʼe amonita anaʼa andrö?

18 Ba mimane: Na so zameʼe hölu naha wameʼe sumange andrö, ba si löʼö daʼö, ba na so zameʼe hölu sumange andrö, si so yaŵa, ba nitörö.

19 He sauʼa! he zebua ira sa, sumange andrö, ba ma naha wameʼe, sameʼe amonita sumange andrö?

20 Andrö, sameʼe hölu naha wameʼe sumange, ba ibeʼe hölu daʼö, fabaya si so yaŵa fefu.

21 Ba sameʼe hölu osali, ba ibeʼe hölu daʼö, fabaya si onahia osali.

22 Ba sameʼe hölu sorugo, ba ibeʼe hölu dadaoma Lowalangi fabaya sidadao yaŵa.

23 Alai ami, sangila amakhoita ba farizaio, samini tödö! me mibeʼe zambua niʼofulu lönga ba höwa ba lada, ba no olifu ami zebua goroisa, fanguhuku ba faʼahakhö dödö ba fa lö faröi; niʼoʼö zi sambalö, ba tenga göi niʼositengagö zi sambalö.

24 He solohe tanga niha, si no auʼa, mitafiʼö nibadu, ba wameta di, ba mitölö kudo.

25 Alai ami, sangila amakhoita ba farizaio, samini tödö! me mihaogö gero mako ba ero wiga, ba yaŵa, ba no fahöna warabu ba foluʼaluʼa.

26 He farizaio sauʼa! ofönaiʼö wangehao yaŵa, mako, enaʼö sökhi göi geronia.

27 Alai ami, sangila amakhoita ba farizaio, samini tödö, me no hulö lewatö nilau betua ami, si sökhi sa moroi baero, wamaigida, ba bakha, ba no fahöna döla zi mate, awö fefu hadia ia zi taʼunö.

28 Si manö göi ami, niha satulö ami, wamaigida, moroi baero, ba bakha, ba no fahöna wamini tödö ba fa lö atulö.

29 Alai ami, sangila amakhoita ba farizaio, samini tödö! me miʼaʼazökhi lewatö zamaʼeleʼö andrö, ba me mihaogö dandra lewatö zatulö,

30 ba me mimane: Na yaʼaga menaʼö ba götö ndra tuada, ba lö fao ndraʼaga khöra, ba wamunu samaʼeleʼö andrö.

31 Tobali mifaduhuʼö dödö niha böʼö khömi, wa no maʼuwu zamunu samaʼeleʼö andrö ami.

32 Ba mifönui zuʼasuʼa andrö khö ndra tuami.

33 He ulö, ono gulö! he miwisa wangefaʼö yaʼami ba wanguhuku andrö, ba narako?

(Mataio 23:1-33)

Famotokhi ba gahe

Faza 23: Itegu warizaio Yesu (23:1-33) | Iʼeʼesi mbanua Yeruzalema andrö (23:34-39)

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö