Wb/nia/Mataio/20/Ina nono Zebedaio andrö

< Wb‎ | nia‎ | Mataio‎ | 20
Wb > nia > Mataio > 20 > Ina nono Zebedaio andrö
FAZA 20

(A. 20, 20—28: Mar. 10, 35—45)

20 III. Ba möi khönia nina nono Zebedaio andrö, awö nononia, ituhi danö fönania, so niʼandrönia khönia.[1]

21 Ba imane khönia: Hadia niŵaʼöu? Imane khönia: Ŵaʼö, enaʼö dumadao dania nonogu andre, si darua, samösa ba gambölöu ba samösa ba gaberau, ba mbanuau andrö.

22 Ba itema linia Yesu, imane: Lö miʼila watahögö hadia niʼandrömi. Hadia miʼila mibadu nösi mako andrö, nibadugu dania? Lamane khönia: Maʼila.[2]

23 Imane khöra: Mibadu sa nösi mako andrö khögu dania, ba fedadao andrö ba gambölögu ba ba gaberagu, ba tenga iaʼo zangumaʼö; ha daʼö zidadao ba daʼö, nihonogöi Namagu fedadao.[3]

24 Ba me larongo daʼö si dafulu, ba lö sökhi-sökhi dödöra ba zi darua andrö, si fatalifusö.

25 Ba humede khöra Yesu, imane: Miʼila, lafatörö mbanuara salaŵa niha ba labeʼe barö mbawara niha sebuara.[4]

26 Ba ba khömi, ba böi si manö; ha niha zomasi ebua ba khömi, ba yamöi enonimi;[5]

27 ba na so ba khömi zomasi möi fönami, ba yamöi sawuyumi.

28. Si mane Ono Niha, tenga si möi mangoni, no si möi enoni, si möi mameʼe nosonia höli zato.[6]



(Mataio 20:20-28)


Famotokhi ba gahe edit

  1. (F. 10, 2)
  2. (F. 26, 39. Luk. 12, 50)
  3. (F. 25, 34)
  4. (Luk. 22, 25 b. t.)
  5. (F. 23, 11; Mar. 9, 35; Efes. 5, 21)
  6. (Luk. 22, 27. yes. 53, 10. 12. Tim. I. 2, 6. Fet. I. 1, 18. 19)


Faza 20: Amaedola: Luo zohalöŵö ba kabu nagu (20:1-16) | Ifuli iʼombakhaʼö wamakao yaʼia Yesu (20:17-19) | Ina nono Zebedaio andrö (20:20-28) | Ifadöhö Yesu hörö niha sauʼa, darua (20:29-34)


Fabaliŵa lala edit

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö