Wikimedia Incubator

Wb/nia/Luka/9/Famatenge zinenge si felendrua

< Wb | nia | Luka | 9
Wb > nia > Luka > 9 > Famatenge zinenge si felendrua

I. 1 Ba humede ia ba zi felendrua andrö,[1] ibe'e khöra wa'abölö, ba itehe khöra wamofanö bekhu fefu, awö wamadöhö fökhö. 2 Ba ifatenge ira, ba wanuriagö banua Lowalangi andrö ba ba wamadöhö fökhö, 3 ba imane khöra: Böi mi'ohe hadia ia ba lala; he si'o ba he bola ba he roti ba he kefe, ba böi dua görö mbarumi. 4 Ba ba zi möi ami yomo, ba da'ö mi'iagö ba ba da'ö mi'otarai wofanö.[2] 5 Ba ba zi lö lafa'amöi yomo ami, ba da'ö miheta ami, ba mbanua andrö, ba mi'anotogö gawu-gawu ba gahemi, ba wamaduhu'ö khöra.

6 Ba mofanö ira, latöröi mbanua misa, wanuriagö turia somuso dödö, awö wamadöhö fökhö, fefu gofu heza möi ira.

7 Ba irongo fefu hadia ia Herode andrö,[3] salaŵa ba zi sagörö ni'o'öfa tanö, ba i'abusi tödö, me no so ösa zanguma'ö: No maoso Yohane moroi ba ngai zi mate;[4] 8 ba so ösa, ba laŵa'ö: No to'ele Geliya; ba so danö bö'ö, ba lamane: No maoso zama'ele'ö föna, samösa. 9 Ba imane Herode: Yohane andrö, ba no ufa'eŵa'ö mbagi, ba ha niha da'ö? Ba i'alui lala, ena'ö falukha ia khönia.[5]

10 Ba mangawuli zinenge no mege, ladunö-dunö khönia, hadia nilaura. Ba i'ohe ira, awönia, mofanö ia ba zi ha ya'ira, isaŵa mbanua, sotöi Betisa'ida.[6]

11 Ba la'ila niha sato,[7] ba la'o'ö ia, ba ifa'amöi ira khönia, fahuhuo ia khöra, i'ombakha'ö mbanua Lowalangi andrö, ba ha niha zofökhö, ba ifadöhö wökhö.


(Luka 9:1–11)


Famotokhi ba gahe

edit
  1. ↑ Ayati 1-5: Mat 10:1; 7:9-14; Mar 6:7-13
  2. ↑ Faigi 10:5 b.t.
  3. ↑ Ayati 7-9; Mat 14:1,2; Mar 6:14-16
  4. ↑ Ayati 18:19
  5. ↑ Faigi 23:8
  6. ↑ Mar 6:30; Mat 14:13
  7. ↑ Ayati 11-17: Mat 14:13-21; Mar 6:31-44; Yoh 6:1-14


Fabaliŵa lala

edit

Faza 8: Isusugi nono Ya'iro (49-56)

Faza 9: Famatenge zinenge si felendrua (1-11) | Fame'e gö niha si lima ngahönö (12-17) | Famaduhu'ö Wetero (18-27) | Famolakhömi Yesu (28-36) | Famofanö bekhu (37-42) | Ihönagö i'ombakha'ö wa'amatenia Yesu (43-45) | Ifarou ira ba wa lö molau faya (46-48)| Ifarou ira ba wa'ebolo dödö (49-56) | Folo'ö Yesu (57-62)


Fabaliŵa lala

edit

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

Retrieved from "https://incubator.wikimedia.org/w/index.php?title=Wb/nia/Luka/9/Famatenge_zinenge_si_felendrua&oldid=5666964"