III. 17 Ba ha samuza ma'ökhö,[1] ba mamahaö ia, ba so warizaio ba sangila amakhoita, sangondrasi moroi ba mbanua fefu ba Galilaia ba ba Yudaia ba moroi ba Yeruzalema, ba so wa'abölö Zo'aya, ba wamadöhönia fökhö.
18 Ba hiza, so niha solohe ira matua, samösa, si mate dambai, ba gaso. Ba la'alui lala, wolohe yomo ba wanou'ö tou ya'ia fönania. 19 Ba me lö lasöndra lala, wolohe yomo, ba wa'ato niha, ba möi ira yaŵa ba gero zagö, lafatörö ia ba zagö, wanada ya'ia, fabaya kaso, bakha ba hunö niha, föna Yesu.
20 Ba me i'ila wamatira, ba imane: He le, no mu'efa'ö khöu horöu.[2]
21 Ba labörötaigö sangila amakhoita ba farizaio lafatou-tou tödöra, lamane: Ha niha da'ö, sangaoha-ngaoha andrö; ha niha zi tola mangefa'ö horö, baero Lowalangi, ha ya'ia?
22 Ba me i'ila gera-erara Yesu ba imane khöra: Hana wa mifatou-tou tödömi?[3] 23 He zaoha ira fanguma'ö: aefa khöu horöu, ba ma fanguma'ö: faoso ba owaö-waö? 24 Ba ena'ö mi'ila, tola i'efa'ö horö ba guli danö Ono Niha — ba imane ba zi mate dambai andrö: Da'ö ligu khöu: Faoso, ohe gasomö ba fuli'ö yomo khömi.
25 Ba i'anema'ö maoso, ba zanehe ira, i'ohe nahania andrö, mofanö ia miyomo khöra, isuno Lowalangi.
26 Ba oi tobali dödöra, ba lasuno Lowalangi ba oi so wa'ata'ura, lamane: Si lö faböbö ba dödöda ni'ilada ma'ökhö andre.
Famotokhi ba gahe edit
Fabaliŵa lala edit
Faza 5: Mangai i'a Wetero (1-11) | Famadöhö wökhö zobou auri (12-16) | Famadöhö wökhö zi mate dambai (17-26) | Fogaoni Lewi (27-32) | Hana wa lö mamoni ndra nifahaö (33-39)
Fabaliŵa lala edit
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö