31 IV. He Simoni! He Simoni! hiza no iʼandrõ khõnia Satana, enaʼõ itafiʼõ ami, hulõ wakhe, [1]
32 ba no mangandrõ ndraʼo, salahiu, enaʼõ lõ aeu wamatimõ, ba yaʼugõ, na no õfalalini geraʼerau dania, ba abeʼeʼõ dalifusõu.[2]
33 Ba imane khõnia: He Tua, tola manõ saʼae mõido awõu, he ba gurunga, ba he ba waʼamate.[3]
34 Ba imane: Uw̃aʼõ khõu, Fetero, lõ fakhamõ miwo zilatao bongī dania, ba no medõlu õʼosilõʼõgõ wangila yaʼo.
35 Ba imane khõra: Me ufatenge ami no, si lõ kabekabe, si lõ bola, si lõ badagahe, hadia no irai ambõ khõmi hadia ia? Ba lamane: Lõ irai.[4]
36 Ba imane khõra: Ba iyaʼe, ba ha niha zi so kabekabe ba yamuhalõ, si manõ gõi mbola, ba si lõʼõ, ba yamuʼamawa mbarunia sebua, ba yamuʼõli wõda.
37 Uw̃aʼõ sa khõmi, lõ tola lõ itõrõ ba khõgu daʼõ, si so ba zura: ”Ba no tebeʼe awõ zebua horõ ia”; itõrõ sa nitandrõsaigõ khõgu andrõ.[5]
38 Ba lamane: He Tua, hiza wõda, dua rozi. Ba imane khõra: Abõnõ.[6]
(Luka 22 : 31 – 38)