Wb/nia/Iraono siduruhako

Sara afo moroi khö zanura

Hikaya nifa'anö bazura andre ya'ia da'ö bua wangerönu soroi bazanura, naso dania zi fakhili-khili hetöi ba mazui lala hikaya tenga ni'odödögö zanura, nisura andre ha sitobali erenua ba zombaso ba wondrou'ö fangi'ila. Tani nösi nisura andre ya'ia da'ö bawame'e duma-duma bazombaso hezo zabölö baga bagamuata nifalua mangomasi'ö ma mangositengagö satua.Ma'igido samösa uwai sozawena alua, tengasa bale no urongo-rongo mböröta wa so ndraono siduruhako khö zatuania.ae bale, oi lala wa'auri tebai zilömutörö, lö ubini'ö mowöi daŵa hörögu hadia mbörö böi yaso sa'ae zatua sanaögö fa'afökhö habörö ndraonora siduruhako.Lau simanö ua tatohugö zui dania. Ma manofu-nofu ami sombaso haniha zama'anö ma sanura hikaya da'a, hana baga sibai, asöndru dödöda wombaso, atulö sibai sinduhunia lö omasido u'ombakha'ö ndra'o khömi ya'ami sombaso ma'a oi me'e ami hadia mbörö lö na'i nisuragu ba lö göi ni basomi oi zara asöndru dödömi. Mitohugö ua wombaso ba awena lau me'e. Ya'o tenga ha ya'o-yao. Tohafado sibai, ufaigi ba no fazaumba amada moroi ba London, no ifatunö högö zura andre ba gangowuloa WA, umane ba dödögu, lau na simanö, ba da'ubaranikö manö, wamatunö ya'o, lakaoni-kaoni khögu Ama Vero Lase si toröi ba Bogor, no lafaogödo ba wuka gu'ö khöda ba Wikipedia ba Wiktionary Li Niha.

Niha moböröta

Samösa niha, fe'asonia ba gulidanö, tenga simane we'aso zanagö mazui hulö zitumbu moroi ba lehe-lehe gae, ma tumbu moroi ba lehe-lehe dalö. Niha so'ia ba gulidanö tumbu ia moroi ba dalu ninania so namania ba so ninania. I'oroi ide-ide la rorogö, la böbö dalu mbetu'ara tola lö la'a gomböwöi gö asala so ni'a nonora, he mofökhö ladöni-döni ira, teu lökhö lö fadulira lalau mohalöŵö asala so zoguna lö olofo ndraonora, inötö anakhö-nakhö, itaria sara mbongi sara ngaluo satua lö la'ira mörö no la lu'i-lu'i no la hae-hae nono omasiöra.

Ngambatö Nama Oriri

Ama Oriri ba fo'omonia Ina Oriri toröi ba zisambua banua raya ahatö gaekhula, simane niha sito'ölö lö kayo ba lö göi numana ha fa'aurira asese tosasa, hadia mbörö lala wangaluira ma lala wanga'asogö soguna khöra niha mbanua da'ö fagölötö fefu me bangai nasi tatumanö ato ira zi fagai, ba so ösa zo urifö bawi ma manu, itaria na ebua lowu ma bade balö fagai ira ba nasi, tatu manö lö la söndra gefe, andrö uwa'ö nomege fa'aurira asese tosasa.

Ama Oriri ba fo'omonia ba sokhöra nono sotöi Oriri, no ebua-bua sa'ae nomöi ba zekola, tatu manö tuho dödö zatua nono andre khöra la be'e sekola la fahaö-fahaö ba gamuata senahöi,

Oriri simane iraono si to'ölö möi sekola,ibe'e göi ba dödönia wamaha'ö,awai andrö waehutara ba ndraono bö'ö ha fa'atosasa ambö soguna, iraono bö'ö awönia sekola la fake mbadagahe, Oriri lö'ö badagahe, awönia so gefe nibe'e zatua khöra ba wowöli-wöli owöliŵa ndraono sekola, Oriri Lö'ö, baru sareŵa awönia fagati-gati, Orori ha sambua mbaru ha sambua zareŵa isasai itufoi ifake, ba hiza itaha da'ö fefu Oriri, irege tama ia ba zekola da'ö ba inönö Oriri andre atua-tua ma onekhe moroi ba nawönia tanöbö'ö. Ba da'ö oroma khöda wa niha sangodödögö gofu hadia'ia ba tola manöndra hadia'ia asala so wa'owölö-ölö.

Ira satuania Ama Ina Oriri si lö aetu nidanö hörö la ohe-ohe bangarö dödö khö Zokhö ena'ö Onora Oriri andre tobali niha ma ba ginötö miföna isöndra harazakinia.

Möi mongarato ba Jakarta

Lala wa'auri lö sangila niha gulidanö da'ö amatöröŵa Zokhö yaita, samuza ngaluo meluo da,ö ba zibongi fatua lölalau mörö ira Ama Ina Oriri ba onora Oriri lalau fahuo-huo oya itörö tödöra, ba gotalua huo-huora itörö tödöra hewisa ba wamatohugö sekola Oriri, angetulara lö tola la fatohugö'ö döfi da'a lö sagu khöra.

"Simane da'a nogu, "mohede nama oriri khö oriri",

"Böi ide-ide dödöu sakali da'a tebai ötohugö ua zekola, tabalazigö bandröfia masa Lowalangi ibokai lala khöda datalau-lau mangandrö." Itema Oriri,

"Lau ba ama ina lö salania so ginötö nasa fönada tola utohugö zekola dania"

"Lau na simanö da'ö ua gangetula sihasara wangera-ngerada."

No ifaköu ia Ama Oriri, me ba dödönia omasi sibai ia na ononia andrö tola möi ba zekola. Ba Ina Oriri ihalö mbola nafonia ba ibidi önia nafo. Ba hiza ba wamidinia afonia ba mohede ia, imane:

"He Ama Oriri böi busi dödöu no'alaŵa mbongi talau mörö."

Mahemolu mbanua, simane sito'ölö ya'ira agahulö maoso, simanö göi Oriri no ihalö gangetula itolo ndra satuania ba wohalöŵö mangalui soguna khöra. Simanö lala wa'aurira ero ma'ökhö mohalö-halöŵö manö, mo'urifö ira, monowi ba itaria möi Nama Oriri fagai ba nasi. Inötö telalö lö taraso arakhagö döfi no tama ba zekola Oriri, no ibörögö so gangombakhata labokai wanema iraono ba zekola, Ama Ina Oriri lö hede-hedera no ladölö manö lö samatika-tika hewisa ba wanohugö'ö zekola Oriri hadia mbörö lö hadöi kefera bawanohugö'ö sekola, itaria ina Oriri mowöi-wöi nidanö hörönia balala halöŵönia bawo'angeragö hadia lala ena'ö tetohugö zekola khö Oriri khönia. Samuza ngaluo simane sito'ölö hewa'ae ya'ira niha sasese tosasa tödö, lalau fahuo-huo hewisa lala sinangea latörö ma fondrege zi lö'ö-lö'önia lafatunö hadia ni'o halöŵögöira ma'ökhö. Ba ifahede ninania Oriri imane;

"he nagu, hewisa na möi ndra'o mangarato, ufaigi lö sagu khömi ba wanohugö'ö sekolagu awö da'ö nasimane-mane wa'auri ero ma'ökhö hewisa baginötö fönada, hewisa ami dania nano atua tebai mohalöŵö baya'o onomi göi tosasa simane-mane da'a, andrö u'andrö khömi yasifao dödömi bawofanögu mangarato andre."

Hiza tehondro sitou dödö ninania ba itema sifao fa'ambö mbadu mo no kehafö sa'ae.

"Lö faodödögu na ölau mofanö mangarato öröi ndra'aga satuamö yamendrua namau mofökhö-fökhö ba simanö göi ndra'o".

Afatö sibai dödö Oriri ba wamondrongo fehede ninania andrö, ba tebai göi itaha awai nihökha-hökha bakha dödönia, me no abua sibia wabalisa. Inania ba no ibörögö fahikhu-hikhu wamondrongo fehede nononia Oriri. Me i'ila wa hulö abu dödö ninania, Oriri i'o silö mamondrongo da'ö fefu ha sambalö ilau mofanö mangarato simane bakha zi so ba dödönia.

Tenga göi u'o dödögö, utörö ba ngai nomora, ba me ufaigi Nama Oriri no tamanu ia, ba lö ugadu, si to'ölönia ba u'andrö ögu gönia bago. Lö dua mbeka u talu'i furi nomora numalödo ba kabu si so fetaro furi nomo Nama Oriri, ba mohede ia, "he Ama Vero", ufaigi furi, no i sindroi ba tebai sa'ae utaha, irugi ba ihalö mbola nafo ba ibidi afogu. No oyo hörö Nina Oriri, ba ifakea röngö-röngönia Ama Oriri, hulö na iwa'ö khögu,

"aöyö, böi sofu hadia zalua, me no abu dödö Nina Oriri andre, me iforege-rege Oriri mofanö mangarato." U'ila kea hörönia, ba u'angonaisi ia, möido ba kabu sabata.

Mangawuli yomo Oriri i'otarai ba lafo ba ulau mondri ba hele miföna nomora so lala, ba mangawuli ia yomo, ilau manga, aefa da'ö lö itaha sa'ae ilau mörö, ba hiza inania no itarogö me no so ba dödönia hadia mege nifahuhuosira me dalu luo. Ba da'ö ba ifuli alulu dödö ninania. "Simane da'a nogu, na simanö zi no ö'etu'ö ba gera-erau wa lötolalö'ö öbua'ö ndra'ugö möi'ö mangarato, awa'i goroisagu khöu nogu asese fa ohe'ö zura khöma ena'ö göi marongo duria sisökhi moroi khöu. Ilau mozizio Oriri, ba italaugi ninania, "saohagölö nagu"

"lau, ufabu'u khömi wa asese ufa'ohe'ö zura ma nano usöndra dania halöŵögu ba u'öli Hape ba ufa'ohe'ö khömi gefe ena'ö mi'öli hape bada'a ena'ö tola talau fahuo-huo.

Ba no sökhi sibai mbawa Oriri me ba dödönia no sa'ae hulö na siyefo so ia. Inania idugu muhi'a dödönia, ba ifakifu ia ilau mangandrö, He So'aya, fahowu'ö nono andre khögu. Lalau mörö, ba sarawongi ibali-bali manö ia Oriri, lö ahono-hono dödönia, no oya sibai karanga yawa ba högönia.

Oriri ibua'ö ia moroi banomora

Önötö Oriri ibua'ö ia moroi ba nomora, ifa'anö gama-gamania batasi, izatö ba moluo, no maoho dödönia mombaloi sihulöwongi mahemolu ba mofanö ia, nosa'ae so ba duduma hörönia hewisa ia nifotöi Jakarta, oya ifasoli ba gera-erania, fakhamö fawea samösa ia imane ;

"Nano urugi dania ba u'alui halöŵögu, so gazigu ebua u'öli khögu da'a da'e..ngawalö wa'i ziso ba gera-era Oriri.

eh olifudo, fatua lömofanö Orori itaba öra manu amania lalau manga, fatua lö manga mohede ibe'e mene-mene amania ..simane da'a nogu fatua lö öbua'ögö datalau falulu femange afuriata ya'e ndriwoda manu, fili öu zomasi'ö hadia högö ?, hadia faha? mazui tanöbö'önia, simane sito'ölö niha fa'owulo ma fao wemanga afuriata salua fa'asöndru-söndru dödö, lö wa'i uzara-zara, hewa'ae lö ya'o meluo da'ö...bawemngara no mege ifili önia högö manu oriri meno faoma nomanga ira, muhede ninania khö Oriri..ya'ugö balala nogu, nosa mo'eluaha sibai wamiliu diwou manu no'öfili högö, da'ö mo'eluaha sibai wa badanö woratou andre öfili öu högö afönu töla sabe'e, öfili öu högö bada'ö soguto, öfili öu högö bada'ö so dalinga,ikhu,hörö eluaha nia tenga i'o ndra'ugö meya'ugö högö sino öfili itema li ninania Oriri lau ina saohagölö mene-menemi khögu tatumanö fangandrömi watola alua khögu da'ö fefu italagui ninania simanögöi italagui namania. sabata ua, hewisa wamaigimi Oriri andre? famaigigu iraono sisökhi sibai amuata,..data baso dohu-tohu hikayania..... Oriri bala nasa so'ia lö niruginia danö jakarta, sagötö ia balala mangera-ngera ia hadia halöŵönia aefa da'ö itörö göi tödönia hewisa wa'auri sino latörö götö zinumalö ba irugi mane ma'ökhö, fa'itaria i osi daŵa hörönia asöndru dödönia wa fabali iröi ndra satuania bambanua. Hulö zangifi-ngifi ia eh..tokea ia...hadia no tarugö jakarta lae? manofu Oriri khö supir moto, apa kau bilang. ...kau lagi pake bahasa apa...? oh sitoka moto niha mbata zui itema li supir nomege...iya lae dia dari Nias rupanya

Igati döinia Oriri

Namamu bagus amat tapi artinya namamu apa ya?..bertanya salah satu kenalan Oriri..imane badödönia oriri na utörö zindruhu hadia geluaha döigu, tebai zilö i'oya, oriri eluaha ba li indonesia rasa sakit,rasa sedih,rasa sulit nasimanö da'u wa'ö geluaha döigu. Oh iya artinya nama saya Hebat,kuat oh...! o..ya'ia imanö bakha badödöni Oriri..nasimanö i'oroi ma'ökhö töigu tenga sa'ae Oriri, Töigu BADAGO...iwa'ö ma i'ombakha'ö khö nawönia nomege wa töinia sa'ae BADAGO tenga Oriri.nama saya atau panggilan saya BADAGO ok Bro latema linia awön ba hiza idugu ara töi nia ni'ila niha Badago. Arörö ita Badago nosa'ae arakhagö döfi ia ba wangaratonia, lö irai itelefo ma ifa'ohe'ö zura khöndra amania, arörö bawohalö-halöŵö, ba ha göi ibönö-bönö soguna khönia ni söndrania. Samuza inötö, bakha ba mbanua siso ia (Badago) so sayembara ma ba li niha fahulösa, tatu manö töinia banua Jakarta oi niha sikayo ma siso ba faka, fahulösa andre ya'ia da'ö haniha zitola manga'i

(so dohu-tohu...mibaloi)

bersambung...

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö