Wb/nia/Hendri-Hendri ba Wame'e ma Wanema Tahö

< Wb‎ | nia
Wb > nia > Hendri-Hendri ba Wame'e ma Wanema Tahö
1. Sowatö
Ae Andrö sibai wa lö sumange ga'a, silagae,
yomo ba mbanua ba zowatö,
andrö sibai wa lö böwö,
Me no bohou me mofanö,
mbawaulu dalinga mbatö.
Hekeni ba!
1. Tome
Ae Falö'ö-lö'ö zowanua ga'a,
falö'ö-lö'ö zowatö,
ba no anönö tou mbatö,
lö lala gahe zanörö,
ba turiami höngö-höngö,
furi zatua zi sagötö, hekani ba!

2. Sowatö
Namö sa meföna ga'a, silagae,
yomo mbanua ba zowatö,
hatö hohou si fadölö,
isawö manu faföfö, hekeni ba!

2. Tome
Ae Alöta molö zusua ga'a, silagae,
yomo mbanua ba zowatö,
he döfi zimatua lökhö,
lö ogo'ö lö mamalö, hekeni ba!

3. Sowatö
Ae Te'öwai guaza ga'a,
Ae ba te'öwai böhö,
ha ono-ono gao talö,
tandraŵa wokökö-kökö,
ba mbanua talifusö,
irugi zi tenga bö'ö, hekeni ba!

3. Tome
Andrö sibai magamö-Gamo ga'a, silagae,
ya'aga banua dome,
no teturia ni teholi,
siŵa nga'ötö fafali,
Ba lö irai afeto li,
ba numönö si möi khömi, hekeni ba!

4. Sowatö
Hulö humombo löu ana'a ga'a,
hulö humombo löu wirö 
ilili-lili mazingö,
I'olembai duho tawö,
silage yaŵa ba mbalö,
ba ihagaini tou mbatö,
no möi nönö wa'ausuö,
nomo niwau talifusö, hekeni ba!

4. Tome
Ae ba Ono geu numana ga'a,
moroi tou mbanua dome,
ba ono geu fuo,
ba möiga sa matendro'ö,
ba zinga geu böwö,
lumöma na'ilau lökhö hekeni ba!

5. Sowatö
Hana wa'ö lili-lili,
ya'ugö ono zalaŵa,
wa öfasui mbörö lali,
gafoa ba zanaere hili,
zamehu na ilau angi.

5. Tome
Andrö sibai magamö-gamö,
ya'aga mbanua dome,
no teturia tefao höli,
gafoa ba galo'oa hili,
mafohu mbulu ladari,
mesökhi aya gosali,
tendroma zalaŵa hadi.



Fabaliŵa lala edit

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö