Wb/nia/Halöŵö Zinenge/3/Huhuo Wetero ba niha sato

< Wb‎ | nia‎ | Halöŵö Zinenge‎ | 3
Wb > nia > Halöŵö Zinenge > 3 > Huhuo Wetero ba niha sato
FAZA 3

12 II. Ba me iʼila daʼö Fetero, ba itema li niha sato, imane: He yaʼami, Iraono Gizeraëli hadia wa ahöli-höli dödömi ba daʼö, ba hadia wa mifaigi-faigi ndraʼaga, hulö na yaʼaga zamowaö-waö niha andre ba waʼabölöma, ba ma ba waʼatulö dödöma? re 13 Lowalangi ndra Aberahamo, Izaʼaki, Yakobo, Lowalangi ndra tuada, no ifolakhömi nononia Yesu, nibeʼemi ba danga Wilato, niʼosilöʼögömi fönania, he no iŵaʼö daʼö, laʼefaʼö. [1]

14 Ba yaʼami, ba no miʼosilöʼögö niʼamoniʼö andrö, satulö, ba no miʼandrö, latehe khömi zangeʼe. [2]

15 Ba no mibunu zalaŵa sangorifi andrö, nisusugi Lowalangi, moroi ba ngai zi mate, ba zi so ba mbörö ndraʼaga. [3]

16 Ba famati ba döinia mbörö, wa no iʼabölöʼö töinia daʼe, niʼilami, nirongomi andre; ba famati andrö, niʼasogönia zameʼe khönia fangabeʼe andre, ba zanehe ami fefu. [4]

17 Ba iadaʼe, yaʼami, ira talifusö, uʼila, me lö miʼila watahögö, andrö mimanö, ba si manö göi zalaŵami. [5]

18 Ba no ifatörö ba zi manö Lowalangi nihönagönia famaʼombakhaʼögö ba zamaʼeleʼö andrö fefu, wa itaögö wamakao Keriso andrö khönia. [6]

19 Andrö mifalalini gera'erami, ba mifuli ami, ba wamabetaʼö horömi, enaʼö alua götö waʼohahau dödö, na inehegö ita Lowalangi, [7]

20 ba enaʼö ifatenge nihonogöi khömi andrö, Keriso Yesu andrö. [8]

21 Löʼö sa tola lö ifonaha ia sorugo, irege götö wangaʼazökhi fefu, hadia ia, niŵaʼö Lowalangi, niʼombakhaʼö zamaʼeleʼö andrö khönia, niʼamoniʼö, iʼotarai mböröta danöʼa. [9]

22 Noa sa iŵaʼö Moze: ”Iʼasogö khömi Soʼaya Lowalangida zamaʼeleʼö, talifusömi, si mane yaʼo; daʼö nifondrondrongomi li, fefu hadia ia niŵaʼönia khömi.” [10]

23 Ba tobali, fefu gofu ha niha zi lö mamondrongo li zamaʼeleʼö andrö, ba nihori ba mbanua andre.”

24 Ba dozi göi samaʼeleʼö, iʼotarai Zamuʼeli, awö moroi furinia, ha waʼato zi no muhede, ba noa göi laʼombakhaʼö luo daʼe. [11]

25 yaʼami maʼuwu zamaʼeleʼö andrö, ono wawuʼusa li andrö ami, niʼasogö Lowalangi khö ndra tuada, me iŵaʼö khö Gaberahamo: ”Ba khö maʼuwumö dania tefahowuʼö fefu soi ba guli danö.” [12]

26 khömi iʼofönaiʼö Lowalangi, wamatenge ononia, me no isusugi, ba wamahowuʼö yaʼami, na mifuli ami fefu, na miröi zi lö sökhi andrö khömi. [13]


(Halöŵö Zinenge 3:12-26)


Famotokhi ba gahe edit

  1. (Luk. 23, 22. 23)
  2. (Mat. 27, 20. 21)
  3. (F. 5, 31; 4, 33. Luk. 24, 48)
  4. (F. 4, 10—12)
  5. (F. 13, 27. Luk. 23, 34. Kor. I. 2, 8)
  6. (Yes. 53, 5. Luk. 24, 25 b. t.)
  7. (F. 2, 38)
  8. (Yes. 57, 15. 16)
  9. (F. 1, 11. Kor. I. 15, 25. 28)
  10. (Moz. V. 18, 15 b. t. Heb. 3, 2 b. t.)
  11. (Luk. 1, 70 b. t.)
  12. (Moz. I. 22, 18. Rom. 9, 4 b. t.)
  13. (F. 13, 46. Mat. 10. 6)


Faza 3: Niha sombuyu-mbuyu, niʼabeʼeʼö Wetero (1-11) | Huhuo Wetero ba niha sato (12-26)


Fabaliŵa lala edit

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö