Wb/nia/Halöŵö Zinenge/19/Fe'aso Waulo ba Nefeso

FAZA 19

1 I. Ba tobali me so ba Gorindro Afolo, ba irugi si tou Nefeso Faulo, no itörö yaŵa danö andrö, ba isöndra nifahaö ösa,

2 ba imane khöra: Hadia, no mitema Geheha niʼamoniʼö, me awena mamati ami? Ba lamane khönia: Lö nirongoma na i so Geheha niʼamoniʼö.

3 Ba imane khöra: Ba hadia sa dandrösa, ba nibayagö idanö yaʼami? Ba lamane: Famayagö idanö khö Yohane andrö.

4 Ba imane Faulo: Famayagö idanö ba wamalalini eraʼera wamayagö idanö andrö khö Yohane, ba no iŵaʼö ba niha wamati khö zi so furinia dania, famati khö Yesu.

5 Ba me larongo daʼö, ba lafabayagöʼö idanö ira ba döi Yesu, Soʼaya.

6 Ba me no itufa högöra Faulo, tangania, ba möi khöra Geheha niʼamoniʼö, molau li böʼö ira ba mamaʼeleʼö.

7 So mato felendrua fefu, ndra matua.

8 Ba möi ia ba zekola, lö aiwö ia muhede, mato tölu waŵa waʼara fahuohuo ia ba ifaduhuʼö dödöra ba ngawalö mbanua Lowalangi andrö.

9 Ba me so ösa zangabeʼeʼö tödöra, si lö mamati, sangoʼaya lala andrö, ba niha sato, ba iheta ia khöra, iʼoniagö ndra nifahaö, ba ero maʼökhö fahuhuo ia ba zekola Dirano.

10 Ba mendrua fakhe zi manö, tobali ahori larongo li Zoʼaya banua Azia andrö, niha Yehuda ba Dawa Heleni.

(Halöŵö Zinenge 19:1-10)

Famotokhi ba gahe

Faza 19: [[Wb/nia/../Ba Nefeso so Waulo/|../Ba Nefeso so Waulo/]] (1-10) | [[Wb/nia/../Tandra, nifazökhinia ba daʼö./|../Tandra, nifazökhinia ba daʼö./]] (11-22) | [[Wb/nia/../Iʼekhugö khönia niha Demeterio andrö./|../Iʼekhugö khönia niha Demeterio andrö./]] (23-41)

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö