Wb/nia/Halöŵö Zinenge/15/Sura ba daʼö ba niha Keriso ba Gandriokhia.

FAZA 15

22 II. Ba omasi ndra sinenge, awö zatua, awö mbanua fefu, latutuyu niha ba khöra, nifatenge ba Gandriokhia, awö ndra Faulo Baranaba, Yuda andrö, sotöi Barasaba, ba Sila satua dalifusö.

23 Lafaʼoheʼö khöra zura, lamane: ”Lafahowuʼö sinenge ba talifusö satua dalifusö andrö ba Gandriokhia ba ba Ziria ba ba Gilikia, si no niha baero mböröta.

24 Me no marongo, no lafawukaisi dödömi huhuora ösa, si otarai ba khöma, lö sökhisökhi dödömi labeʼe, si lö oroisama;

25 andrö maŵaʼö, me no ha sara dödö, matutuyu niha nifatenge khömi, awö zomasiga andrö, Baranaba, ba Faulo andrö,

26 niha si no mangositengagö nosora, börö döi Zoʼaya yaʼita andrö, Yesu Keriso.

27 Ba no mafatenge ndra Yuda Sila, sangombakha göi khömi, si manö göi.

28 Noa sa omasi Geheha niʼamoniʼö ba yaʼaga göi, böi saʼae lafonoro ami, baero zi lö tola löʼö andrö:

29 Fa böi mibabaya gö nadu, ba do, ba nitögi bagi, ba fohorö; na lö mibabaya daʼṍ, ba ohahau dödömi, Yaʼahowu ami!”

30 Ba me no lafofanö ira, ba möi ira misi tou ba Gandriokhia, lafalukhaʼö zato ba labeʼe ba dangara zura andrö.

31 Ba me no labaso, ba omuso dödöra, ba wondrara dödö andrö.

32 Ba oya huhuo ndra Yuda Sila fondrara dödö ba fangarö dödö dalifusö, me no samaʼeleʼö ira göi.

33 Ba me no ara maʼifu ira, ba lafofanö ira talifusö ba zamatenge yaʼira, lafahowuʼö ira.

34 Ba omasi Zila, toröi ia.

(Halöŵö Zinenge 15:22-34)

Famotokhi ba gahe

Faza 15: Falukhata zinenge ba Yeruzalema; huhuo ba wamoto andrö. (1-21) | Sura ba daʼö ba niha Keriso ba Gandriokhia. (22-34) | Fabali ira Mbaranaba Waulo. (35-41)

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö