Wb/nia/Halöŵö Zinenge/12/Lakuru Wetero ba teʼefaʼö.

< Wb‎ | nia‎ | Halöŵö Zinenge‎ | 12
Wb > nia > Halöŵö Zinenge > 12 > Lakuru Wetero ba teʼefaʼö.
FAZA 12

3 II. Ba me iʼila omasi niha Yehuda, ba itohugö, ifaraʼuʼö Wetero göi. (Ba baŵa roti si lö muʼaisöni). [1]

4 Ba me no ifaraʼuʼö, ba ifabeʼeʼö ba gurunga, ibeʼe ba danga zaradadu si mendröfa wa daöfa, ba wanaro yaʼia, edöna ifaʼeleʼö ba niha sato, na aefa wasa.

5 Ba latarogö saʼae Wetero ba gurunga. Ba mangandrö khö Lowalangi mbanua, ba khönia, moroi siʼaikö ba dödöra. [2]

6 Ba me ifaʼeleʼö enaʼö Herode, ba ba gotalua zaradadu si darua mörö Wetero, ba zi bongi andrö, dua rozi rate mbilagunia, ba so zanaro ba ngai mbawandruhö gurunga.

7 Ba hiza, so malaʼika Zoʼaya, ba so haga, sihaga ba mbateʼe andrö. Ba ibözi ngai Wetero, isusugi, imane: Faoso, aliogö! Ba atoru mbilagu ba dangania. [3]

8 Ba imane khönia malaʼika andrö: Amöbö talu ba amadagahe mbadagahemö! Ba iʼoʼö daʼö. Ba imane khönia: Amaru mbarumö sebua, ba oʼö ndraʼo!

9 Ba möi ia baero, iʼoʼö, lö iʼila wa si duhu nilau malaʼika andrö, iwai sa angilata niʼilania.

10 Ba me no latörö naha zanaro, si föföna larugi, awö naha wanete daʼö, ba larugi mbawandruhö siʼöli andrö, lala ba newali, ba teboka manö daʼö fönara; ba möi ira baero, latörö newali si sara, ba iʼanemaʼö iheta ia khönia malaʼika andrö.

11 Ba imane Fetero, me iʼeraʼera tödönia: Awena uʼila, si ndruhundruhu, no ifatenge malaʼikania Soʼaya, ba no iʼefaʼö ndraʼo ba danga Herode ba ba nibalo-baloi niha Yehuda fefu. [4]

12 Ba me no aboto ba dödönia daʼö, ba irugi nomo Maria andrö, ina Yohane, nifotöi Mareko; ba no ato zowulo ba daʼö, mangandrö. [5]

13 Ba me ibökö mbawandruhö föna, ba so nono alawe, Rode döinia, ba wamondrongo,

14 ba me irongo li Wetero, ba lö ibokai mbawandruhö, ba waʼomuso dödö, fagohi ia, isaŵa yomo, iʼombakhaʼö, so baero Wetero.

15 Ba lamane khönia: Owöhöʼö! Ba lö iböhöli, si duhu iŵaʼö. Ba lamane: Malaʼikania. [6]

16 Ba itohugö wamökö Fetero; ba me labokai, ba laʼila ia, ba tobali dödöra.

17 Ba ifazaŵa dangania khöra, böi humede ira, ba idunö-dunö, heiwisa Soʼaya, wangefaʼö yaʼia ba gurunga, ba imane: Miʼombakhaʼö khö yakobo ba ba dalifusö. Ba mofanö ia, isaŵa naha böʼö. [7]

18 Ba me moluo, ba tenga ha maʼifu ŵaʼabu dödö zaradadu andrö, hadia khö Wetero andrö.

19 Ba me isofu ia Herode ba me lö isöndra, ba isekhegö zanaro, ba iŵaʼö labunu. Ba möi ia misi tou, iröi Yudaia, isaŵa Kaizaria, ba daʼö soso ia.


(Halöŵö Zinenge 12:3-19)


Famotokhi ba gahe edit

  1. (Mar. 14, 1)
  2. (Efes. 6, 18 b. t.)
  3. (F. 5, 19; 27, 23)
  4. (Sin. 34, 8; 91, 11. Dan. 6, 22. Heb. 1, 14)
  5. (F. 15, 37. Tim. II. 4, 11)
  6. (Luk. 24, 37)
  7. (F. 15, 13. Gal. 1, 19)


Faza 12: Labunu Yakobo. (1-2) | Lakuru Wetero ba teʼefaʼö. (3-19) | Faʼamate Herode. (20-25)

Fabaliŵa lala edit

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö