Wb/nia/Famotokhi Duho Wamati

Tuho Wamati Niha Keriso, ba no dane-dane wamalua fefu angowuloa wangehao osali. Ba fefu gosali sino so barö mbawa wamatörö goi-goi angowuloa gosali, si lötolalö'ö wa la o'ö duho wamati sino la tatugö i'otaria meföna. Tuho nia ya'ia da'ö ba wo fatunö wa ya'ita mamati khö Yesu Keriso, Ono Lowalangi, ba khö Geheha ni'amoni'ö. Da'a göi na tafaigi sambua fangöna khöda ba wangorudugö fefu zi fabö'ö, irege osali fefu gofu hezoso so'ia, asala farisayo ba duho wamati andre, ba no sisambua ita ba khö Yesu. Tuho Wamati andre ma lawa'ö ia ba li Indonesia ya'ia da'ö "Pengakuan Iman Rasuli" ma ba li Latin tefotöi Credo Apostolicum, sambua lohe-lohe niha samati ofeta ma'ökhö. Ba fefu niha Keriso ba zi sagörö ulidanö, ba no latema duho wamati andre sitobali dane-dane ba wamalua angowuloa ba mbanua niha keriso.

Tuho wamati andre, ba niha keriso, sambua si lötolalö'ö lafati, me no tobali dane-dane wamati khö Lowalangi Ama, ba khö Yesu Keriso, ba khö Geheha Ni'amoni'ö. Eluahania, si'oföna sibai famati khö Zo'aya ba wanuturu lala wa Lowalangi zomböi Niha faoma ngawalö hadia ia ba danö; aefa da'ö itete duho wamati ba khö Yesu Keriso, Sangefa'ö niha moroi ba huku horö; ba famati ba Geheha Ni'amoni'ö, ya'ia da'ö ba wanolo niha samati ena'ö idugu atulö ba wa'auri ba gulidanö.

Tuho Wamati ba Daromali

Da tafaigi ayati daromali sifakhai ba Duho Wamati Niha Keriso, simöi famahatö niha khö Lowalangi;

1. Ya'o mamati khö Lowalangi Ama, si lö ambö fa'abölö (Aku percaya kepada Allah, Bapa Yang Maha Kuasa),
   • ba khöda sa, ba ha sambua Lowalangi, Ama andrö, ba zi otarai fefu hadia ia, ba ya'ita, ba ba khönia ita ba ha samösa Zo'aya, Yesu Keriso, sama'ema fefu hadia ia, ba ya'ita, ba moroi khönia. 1 Korindro 8:6
   • Alafa ndra'o ba omega ndra'o, iŵa'ö So'aya Lowalangi, si so, ba si no so föna, ba si möi dania, samatörö fefu, hadia ia. Fama'ele'ö 1:8
   • Da'ö niŵa'ö Yehowa, razo Ndraono Gizeraëli andrö, sangorifi ya'ira, Yehowa ngahönö andrö: Si föföna ndra'o ba safuria ndra'o, ba baerogu, ba lö Lowalangi. Yesaya 44:6
   • ha sambua Lowalangi ba Amara fefu, yaŵara fefu, ba sanörö ya'ira fefu, ba ba dödöra fefu. Efeso 4:6
   • Ba urongo, ba hulö li zato, ba hulö wegoso-goso nidanö sebua, ba hulö we'ugu-ugu mbanua, sabölö-bölö, lamane: "Haleluya, me no razo Zo'aya, Lowalangida andrö, samatörö fefu hadia ia! Fama'ele'ö 19:6
2. Somböi banua si yaŵa awö danö (Khalik langit dan bumi)
   • 1 Ba mböröta so daroma li andrö, ba khö Lowalangi daroma li andrö, ba taroma li andrö, ba no Lowalangi, 2 khö Lowalangi so ia ba mböröta, 3 khönia mböröta hadia ia fefu. Sambalö lö'ö, si so, si tenga khönia mböröta. Yohane 1:1-3
   • 1 Ba mböröta ifazökhi Lowalangi mbanua si yaŵa, awö danö, 2 Ba no si fakuyu manö guli danö ba si lö ösi; ba manahanahae Geheha Lowalangi yaŵa nidanö, 3 Ba imane Lowalangi: Yamohaga! Ba mohaga. I Moze 1:1-3
   • He ya'ami, hana wa mimanö? Niha göi ndra'aga, si mane ya'ami, sangombakha khömi turia somuso dödö, ena'ö miröi waya andrö, ba ena'ö mifuli ami khö Lowalangi sauri, samazökhi banua si yaŵa, awö danö, awö nasi, awö nösi fefu Halöŵö Zinenge 14:15
   • 24 Lowalangi andrö, samazökhi danö'a ba ösinia, fefu, ba lö i'onahia gosali nifazökhi tanga niha, me no So'aya sorugo ia, ba So'aya tanö; 25 tebai göi tefosumange ia tanga niha, hulö na moguna khönia hadia ia, me no ya'ia zame'e ba niha fefu noso ba hanu-hanu, awö fefu hadia ia, 26 Ba moroi khönia wa no dumadao fefu soi niha ba guli danö ma'asagörö, si ha sambua böröta; ba no i'ötö khöra mbongi, no ihönagö ihonogöi, awö nola nahara andrö. Halöŵö Zinenge 17:24-26
   • Moroi ba wamati aboto ba dödöda, wa no taroma li Lowalangi wamazökhi danö'a, wa no tobali tenga moroi ba zoroma tumbu zoroma andrö Heberaio 11:3
   • Ha ya'ugö, Yehowa; no ya'ugö zamazökhi banua si yaŵa, banua si yaŵa irugi ba wondrege, awö ngahönö andrö khönia, ba tanö, awö nösi guli danö fefu, ba asi, awö nosinia fefu, ba oi ya'ugö zangorifi, ba no sangalulu khöoe ngahönö andrö ba mbanua si yaŵa. Nehemia 9:6
3. Ya'o mamati khö Yesu Keriso So'aya ya'ita, ono Lowalangi si hasamösa ( dan kepada Yesus Kristus Tuhan kita )
   • Itema linia Toma, imane khönia: So'aya ya'o ba Lowalangigu! Yohane 20:28
   • Si manö sa wa'omasi Lowalangi nösi guli danö, no ibe'e Nononia andrö si ha sambua, ena'ö lö tekikö dozi samati khönia, ena'ö so khöra wa'auri si lö aetu. Yohane 3:16
4. nitema nina-Nia Maria khö Geheha ni'amoni'ö, Ono alawe ia ( yang dikandung dari Roh Kudus lahir dari anak dara Maria )
   • 18 Ba si mané wa'atumbu Yesu Keriso andrö: Me no ifohu nina Yesu, Maria, Yosefo andrö, me lö sorudu ira na, ba terongo, manabina ia khö Geheha ni'amoni'ö, 19 Ba iböhöi manö ia mena'ö Yosefo, soniha ya'ia, lö i'ombakha'ö, me niha satulö ia, lö edöna i'ailasi, 20 Ba me ifatou-tou tödönia da'ö, ba hiza, oroma khönia mala'ika Zo'aya ba wangifi, imane: He Yosefo, ma'uwu Dawido, böi ata'ufi wangai Maria andrö, nihamö; tabina andrö, si so ba dalunia ba no moroi ba Geheha ni'amoni'ö. Matai'o 1:18-20
   • Ba itema linia mala'ika, imane khönia: So dania Geheha ni'amoni'ö, ba ilumö'ö ndra'oegö fa'abölö Wondrege Zalaŵa; andrö göi labe'e töi ni'amoni'ö andrö, si tumbu dania, Nono Lowalangi. Luka 1:35
   • khö nono alawe, sinandra ndramatua, sotöi Yosefo, ma'uwu Dawido; ba töi nono alawe andrö, ba Maria. Luka 1:27
   • Ba imane Maria khö mala'ika andrö: He wisa lala da'ö, me lö u'ila ndramatua? Luka 1:34
   • "Hiza, so dania nono alawe sanabina, ba madono ono matua, ba labe'e töi nono andrö "Emanu'eli', "awöda Lowalangi" geluahania, na la'ali [ba li niha]." Matai'o 1:23
5. No manaögö huku Ia barö mbawa Wondrio Filato ( yang menderita sengsara di bawah pemerintahan Pontius Pilatus )
   • Ba me no alua mewele'öfa fakhe razo kaizaro Tiberio andrö, me kumandru ba Yudaia Wondrio Filato, me salaŵa ba Galilaia Herode, ba zi sagörö ni'o'öfa tanö; ba me salaŵa ba zi sagörö dalifusönia Filifo, ba Gituraia ba ba danö Darakhoniti, ba me salaŵa ba zi sagörö zui Lisania, ba Gabilene; Luka 3:1
   • Ba ifalukha'ö Filato gere sebua, awö zalaŵa, awö niha sato Luka 23:13
6. teforöfa Ia, mate ba lako'o ( disalibkan, mati dan dikuburkan )
   • ba ya'aboto ba dödömi fefu ba ba dödö Ndraono Gizeraëli fefu: ba döi Yesu, banua Nazareta, niforöfami, nisusugi Lowalangi, moroi ba ngai zi mate, ba döi da'ö abe'e da'e, fönami, Halöŵö Zinenge 4:10
   • Ba ato zombaso sura andrö niha Yehuda, me no ahatö ba mbanua naha andrö, ba niforöfa Yesu, ba no mube'e li Heberaio ba li Ndrawa Roma ba li Ndrawa Heleni. Yohane 19:20
7. No möi Ia ba mbanua niha tou ( turun ke dalam kerajaan maut )
   • ba sauri andrö; ba no mate ndra'o, ba hiza, no auri ndra'o, irugi zi lö aetu ba so khögu wogoë ba wa'amate ba ba mbanua tou. Fama'ele'ö 1:18
   • 18 Noa sa göi mate Keriso, zamuza, ba horö andrö, satulö andrö, salahi zi lö atulö, ena'ö i'ohe ita ba Lowalangi; nibunu sa na dali mboto, ba ni'orifi dali Geheha, 19 ba da'ö dali, ba we'amöinia ba wangombakha ba mbekhu ba gurunga I Fetero 3:18-19
8. No maoso Ia moroi ba ngai zi mate, me no irugi tölu ngaluo ( Dan pada hari yang ketiga bangkit pula dari antara orang mati )
   • 2 nifafabu'u'önia föna ba zama'ele'ö andrö khönia, ba zura ni'amoni'ö, 3 turia Nononia andrö. Ma'uwu Dawido ba nga'ötö niha, 4 nifataro Ono Lowalangi, nibe'e fa'abölö, dali Geheha ni'amoni'ö, moroi ba wemaoso moroi ba ngai zi mate: Yesu Keriso, So'aya ya'ita. Roma 1:2-4
   • Sara wongi aefa zabato, ba möi ba lewatö Maria andrö, banua Magadala, ihulö wongi, me ogömi-gömi na, ba i'ila, no laheta gowe andrö ba lewatö. Yohane 20:1
9. No manahae Ia, möi ba Zorugo ( naik ke surga )
   • Imane khönia Yesu: Böi babaya ndra'o, lö'ö na si möi ndra'o yaŵa khö Namagu. Ba ae ba dalifusögu andrö, ba ŵa'ö khöra: Möido yaŵa khö Namagu, ba khö Namami, khö Lowalangigu, ba khö Lowalangimi. Yohane 20:17
   • 49 Ba ufatenge ba khömi nifabu'u Namagu andrö; ba ya'ami, ba sahono ba mbanua, irege no te'abölö'ö ami fa'abölö andrö moroi si yaŵa, 50 Ba i'ohe ira baero, irugi tánö ba Mbetania andrö, ba ifazaŵa dangania, ifahowu'ö ira, 51 Ba barö wamahowu'önia ya'ira, ba aheta ia khöra Luka 24:49-51
10. dumadao ba gambölö Lowalangi Ama, si lö ambö fa'abölö ( duduk di sebelah kanan Allah, Bapa Yang Maha Kuasa )
    • Ba tafaigi zolohe andrö, ba samo'ahonoa famati, Yesu, si no manaha röfa andrö, salahi wa'omuso dödö andrö, si no so fönania, si no mangositengagö fa'aila, ba si no mudadao ba gambölö dadaoma Lowalangi andrö. Heberaio 12:2
    • Ba me aefa fahuhuo khöra Zo'aya, ba tefazaŵa ia miyaŵa ba zorugo, ba mudadao ia ba gambölö Lowalangi. Mareko 16:19
11. I'otarai da'ö mangawuli Ia dania, ba wanguhuku niha sauri awö zi no mate ( Dan dari sana Ia akan datang untuk menghakimi orang yang hidup dan yang mati ).
    • Hulö gari mbanua sa si otarai gatumbukha luo, sihaga, irege gaekhula, simanö dania wa'aso Nono Niha andrö. Matai'o 24:27
    • Löʼö sa göi ihuku niha Ama, noa sa ibeʼe khö Nono wanguhuku andrö fefu,' Yohane 5:22
12. Ya'o mamati khö Geheha ni'amoni'ö ( Aku percaya kepada Roh Kudus )
    • Na so zanolo andrö, nifatengegu khömi dania, si oroi khö Nama, Eheha si duhu andrö, si otarai Nama, da'ö zamaduhu'ö ya'o Yohane 15:26
    • 30 Ba böi mibusi dödö Geheha ni'amoni'ö andrö, fangaromi, ba luo wangorifi andrö, 31 Fefu ngawalö wotötöisa, ba fa'abao dödö, ba fönu ba fagua-guasa, ba fanandraŵa, ba yatebato khömi, awö fefu, hadia ia zi lö sökhi, 32 Ba faoma mihaogö-haogö khö nawömi, faoma mihakhösi tödö, faoma mibe'e aefa zala nawömi, si mane fangefa'ö Lowalangi khömi göi, ba khö Keriso Efeso 4:30-32
13. ba ufati ha sambua banua niha Keriso, ba fa'awösa niha ni'amoni'ö ( Gereja Yang Kudus dan Am Persekutuan orang Kudus )
    • Me moroi khönia, wa no faoma so khöda lala khö Nama, ha sambua Geheha. Efeso 2:18
    • Faoma mi'onoro noro dödö nawömi, ba no mi'o'ö goroisa Keriso andrö. Galatia 6:2
14. Fangefa horö ( Pengampunan dosa )
    • Andrö ya'aboto ba dödömi, ya'ami, ira talifusö, te'ombakha'ö khömi wangefa horö, soroi ba da'ö; Halöŵö Zinenge 13:38
    • Ba ba zi tenga balazi mbua-bua, samati khö zanguma'ö satulö zi no mangerogö Lowalangi mege, khönia tebe'e fa'atulö dödönia wamatinia andrö. Roma 4:5
    • Si ndruhu daroma li andrö ba sinangea tafonaha manö, wa no möi ba guli danö Keriso Jesoe, ba wangorifi si so horö; sebuara ndra'odo. I Timotiu 1:15
15. ba femaoso mboto zi mate ( Kebangkitan orang mati )
    • Imane khönia Yesoe: Ya'odo wemaoso ba fa'auri, samati khögoe, ba auri, he ŵa'ae mate ia. Yohane 11:25
    • 16 Ya'ia dania, So'aya, zi möi mitou, moroi ba zorugo, na so we'ao andrö, na mu'ao zatua mala'ika andrö, na tefolī dorofe Lowalangi andrö, ba oföna maoso zi no mate andrö, ba khö Keriso, 17 Awena dania tefazaŵa ita, ya'ita sauri, si tosai, ba lawuo, fao ita khöra, ba wamaondragö So'aya, ba dalu mbanua; ba tobali awö Zo'aya ita, si lö mamalö-malö. I Tesalonika 4:16-17
16. ba fa'auri si lö aetu. Yaduhu. ( Dan hidup yang kekal ) Amin
    • Lö möi zanagö, na tenga ba wanagö ba ba wamunu ba ba wamakiko. Ba da'ö möi ndra'o, ena'ö so khöra wa'auri ba ena'ö fahöna khöra hadia ia andrö. Yohane 10:10
    • Imane khönia Yesu: Ya'odo wemaoso ba fa'auri, samati khögu, ba auri, he ŵa'ae mate ia. Yohane 11:25

Umbu

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö