Wb/mni/লুখ্রাবী অনী মতা শান্নবা/১

থায়না মমাংঙৈদা লুখ্রাবী অনীখক মতা শান্নদনা নুংশিননা লৈমিন্নরম্মী। নুপী অমনা হায়রম্মী “ইতা নঙসে, নচানুপা অমা পোকই। ঐগীসু ইচানুপা অমা লৈ। হয়েং চারোন শুরোন ফাওবা মরী তত্নগুমসি।” লুখ্রাবী অমনা হায়রকই “ইতা নিংথৌগী মচানুপী অমা লৈ, নঙ ঐ চংদুনা ইচাগীদমক লৌনবা হোনসি।” নুপী মচা অসিদি অসুক্কী মতিক ফজবদা লম্বা লৈরমদে। মাদি লাইফদিবী নওনা কনাগসু তিনদে ।

নিংথৌ মচানুপী অসি ময়ুম মকৈ পানবা মতম ওইরদুনা লুখ্রাবী মচা অসিদা থাজরে। লুহোংগদবা হয়েংদা ভাইরবদা লাইফদিবী অদু পুথোত্তুনা মহাক্না কপচে “ইতা নঙদি ঐগা লৈমিননৌ হায়না তমলমদ্রে। হায়না কোন্দুনা ময়াদা চাক ঈশিং অমতা তাদবমখৈ লৈরমই। মচানুপীগী মতৌ উবদা লাইফদিবী অদুনা খুমলকই “ইতা নঙগী মতেং ঙসি ফাওবদা করিমত্তা তৌবা ঙমদে অদুনা বর অমদি পিরমগে মদুদি নহাক উচেক ৱায়া পুম্নমকা খোংবা মখোন অসি খঙবা ওইয়ু। অদুগা ইবানি থানগুমসি, নঙগী তরঙদা মাসু চংলগে হায়না চংখিরম্মী।

নিংথৌ মচানুপী অসি লুখ্রাবী মচা অসিদা লৈরকপা ফনা মকুইরে অদুবু ঙসি ফাওবদা মনেমগী মমাং থাদুনা নোংমতা পুবীবা লৈখিদে অমদি ইংখোলগী থারিবা মনা মশিং ময়াম অদুবু চাবসু লৈতে নান নানদুনা থম্মী। পৈশা মতেক অমগী ভাখা লৈরগা চহী অমা চানবা থম্মী। অসোমদা লুখ্রাবী মচা অমগী মমৌ নুপী অদুদি হরাউ কুম্মৈ চিৎথদনা মনেমগী মমাং থাদুনা অমদি মনিং মখা তৌদুনা থম্মী।