Wb/mni/লাই খুৎশাংবী/১

থায়না মমাংঙৈদা মথৌনা লৈবা নুপা অমা লৈরম্মী। মহাকনা মাগী নুপী অমসুং অঙাং অদুবু ময়ুমদা থনম্নগা ইমুংগী লৈত লায়রা থিবা লংফৈদা থবক সুবা চৎখি। মখোয়গী লমদম অদুদা লাই খুশাংবী হায়বা হিংচাবী অমা লৈরম্মী। হিংচাবী অদুনা নুমিদাং নুমিৎ খুদিংগী সচিগী য়ুমদা লাকতুনা “সচিমা সচিমা সচিপা লৈব্রা” হায়না হংলম্বী। মদুদা লৌশিং চাউবী সচি মমানা সচি পা লৈ হায়দুনা অদুম খুমলক্ষ্মী। মথংগী নুমিদাং অদুদসু লাই খুশাংবী অদু অমুক লাজুনা “সচিমা সচিমা সচিপা লৈব্রা” হায়দুনা হংলক্ষ্মী মদুদসু সচিমানা লৈ হায়না অদুম্মক খুমখি। হিংচাবী লাইখুশাংবী অসিনা কিরিবসি সচিপাবুনি। সচিপা লৈ হায়রবদি মহাক অদুম্মক হনখি।