Wb/mni/মণিপুর অমদি ম্যান্মার/৫শুবা তাংকক্

মৈদিংঙু গরিবনিব্রাজ (কুমজা ১৭০৯-১৭৪৮) না ঔৱা লৈপাক্তা কুমজা ১৭৩৪দগী ১৭৪১ ফাওবা চহী ৭ চূপা কুম লেগুনা হঞ্জিন - হঞ্জিন লান্দাশিন্দুনা ঔৱাগী সহরশিং - মৎসেম, দায়েন, মোদু, ঔৱা শাগাইনচিংবা খুনবী, খুল্লেন, খুঞ্জাও, খুঙ্গং করা চায়খায়রকপদা ঔরা লৈবাক থক-থক নিকখি। ঔৱাগী নুপা-নুপী পূম্নমক্লা মৈদিং গরিবনিৱাজদি মী নত্তে লাইনি হায়না লৌনখি। হৌজিক ফাওবা ম্যান মার লৈপাক্তা বারীনরি অসুম্না মৈদিংঙু গরিবনিৱাজনা মপাইবুংঙো তুবী চরাইরোংবগী য়াথং ঙাত্তুনা মচননুপী চকপা মখাওঙম্বীগী লমন খুমখিরম্মী। অদুবু মতুং তারকপদদি ঔৱা লৈপাক্কী তোঙ্গু নিংথৌ শাগৈগী নিংথৌরেন মহা ধর্ম্মরাজ দিপাতি (কুমজা ১৭৩৩-১৭৫১) না ম্যান্মার/ন্ত্রান্মাগী মপাঙ্গল কনখহন্নবা মৈদিংঙু গরিবনিৱাজগী মচানুপী অমা পীবিয়ু হায়দুনা মৈত্রবাক্কী কোনুংদা মৌ হায়বা কয়ারক লাকখিরম্মী। অকোনবদদি মৈদিংঙুনা মহাক্কী থাজনবা অতৈ অপোকপা মচাইবেম্মা লৈতদুনা লৈখিদ্রবা মনাও ইবুংঙো খমলাং পনশাবা ৱাংখৈরাকপগী মচানুপী ৱাংঙমলোন সত্যমালাবু ন্ত্রান্মা নিংথৌরেল মহা ধর্ম্মরাজ দিপাটিদা থাজদুনা ঔৱা কোনুংদা | থিনবীরম্মী। অসুম্না মৈত্রবাক মণিপুর অমসুং ঔৱা/ম্যান্মার লৈবাক অনীগী মরী অমুক শমজিন্নখি।