থায়না মমাংঙৈদা লৈবাক অমমমদগী নুপা অহুমখক লম কোয়নরকপদা লল্লোং অহুম ফাংবা অমদা মখোয় অহুম থেংনরম্মী। মখোয় অহুয়া মাগী মাগী অপাম্বনা করিনো, অদুগা কদায়দা চত্নগদৌরিবনো হায়না হংনরম্মী। মদুদা অমনা হায়রকই “ঐদি চাবা যায়া পাম্মী অদুনা ঐনা চাগে হায়বদা পীজবা গুম্বা মী অদুগী মফমদা থবক কন্না শুগে হায়দুনা লাকচবনি। অদুদী অমনা অমুক হায়রকই “ঐদি শেৎপা য়াম্না পাম্মী, অদুনা ঐনা শেৎকে হায়বদা পীবা ঙম্বা মী অদুগী মফমদা থবক কন্না শুগে” হায়দুনা লাকচবনি। অদুদী অতোপ্পা নুপা অদুনা অমুক হায়রকই “ঐদি জুৱার শান্নবা য়াম্না পাম্মী অদুনা ঐবু নুমিৎ মঙানিদং জুৱার শান্নহনবা গুম্বা মী অদুদা থবক কন্না শুগে হায়দুনা লাকচবনি”। অসুম্না মখোয় মখোয়গী অনীংবা অপাম্বা হায়দোকুরবা মতুংদা মখোয় অহুম অসি মরুপ শান্নরসি হায়দুনা মরুপ শান্নরে। অদুদগী মখোয়না পাম্মিবা অসি পীবা ঙম্বা মী থিরসি হায়দুনা মখোয় অহুম লৈবাক মথং মথং কোয়ারক্লে।
মখোয়না অসুম লাকপদা লৈবাক অমা যৌরক্লে। মদুদা লৈবাক অদুগী নিংথৌগী মতিক মগুণ হংবদা নিংথৌ অসি মখোয়না পাম্বা পীবা ঙম্বা য়াম্না মতিক মগুণ লৈবা নিংথৌ ওইরশ্নে। মফম অদুদা মখোয় লৈরসি হায়না খন্নদুনা নিংথৌ অদুগী মনাক্তা চংলকে৷ মদুদা নিংথৌনা মখোয়দা করি করি পাম্বগে হায়না হংলক্ষ্মী। নিংথৌগী ৱা অসি তাবদা মখোয়না মথং মথং মাগী মাগী অপাম্বা অদু হায়জরম্মী। অমনা হায়রকই ‘ইনিংথৌ ঐদি চাবা য়ায়া পাম্মী অদুনা ঐনা চাগে হায়বদা ৱাৰ্ত্তনা পীবিয়ু। অদুগা ঐ থবক কন্না শুজগে।' অদুদগী অমনা অমুক হায়রকই ‘ইনিংথৌ ঐদি শেৎপা য়ায়া পাম্মী অদুনা ঐনা শেৎকে হায়বদা ৱাৰ্ত্তনা পীবিয়ু। অদুগা ঐসু থবক কন্না শুজগে।” অদুদগী অতোপ্পা নুপা অদুনা অমুক হায়রকই ইনিংথৌ ঐদি জুরার শান্নবা য়াম্না পাম্মী, অদুনা নুমিৎ মঙানিদং ইনিংতৌনা জুয়ার শান্নজগে।