Wb/mni/তপ্তাগী ৱারী/2

করিতৌরে ইতাও? নহাক্লা ইপা পাখনা চেল্লকলিবদি শাদানবা লাকপ্রা? কৈদুনা ঘুমই ইতাও ঐ গুন্থোকপা থৌদোক অমা থেংনরুরে, কৈদুনা মমাংদা থোকখিবা বারীশিংদু শামুদুদা লিরে। ইতাও তপ্তানা ঐবু যায়া ফুই। তু ! ঐগী নঙ্গলী দাকফমশিংসে। মদুদগীদি শামুগা লোয়ননা হুরানবনা লৈহৌবা উক্রোং অহোবগী মনাক্তা লাকই। শামুদুনা উক্রোং অহোবদুদা মনাতোনদু থিংজিল্লুগা করি শানো হায়না য়েংগদবগী তৌই অদুবু হুরানবাননা মঙোন্দা যাওবা কাতিদুনা শামুগী মনাতোনবু চপলক্ষ্মী। শামুদু নামনখিদুনা মসিদি নাতোন। চঙ্গীনি হায়বলগা চেনস্ত্রে। কৈসু শামুগী মতুং ইন্নরগা চেল্লকই, মস্কোয় অনীনা কন্না চেল্লকপদু শাশিংগী মকোক নোংশানা উরে, নোংশানা হংলকই, “কৈদৌরে নবানিনা যান্না তা তহা চেল্লকলিবদি?” কৈগা শামুগন নোংশাদা হায়রে, অর্থৌবা ঐখোয় তপ্তাদী কনবিয়ু হায়ররে। কৈ অমদি শামুনা থোকখিবা যৌদোকশিং মরিক চুমা নোংশাদা লিরে। নোংশানা অদুদি ফরে ঐখোয় অহুম বেংলুরসি হায়না বারেপুরে। হুরানবন্ধুদি মখোয়না লাকত্রিঙৈদা উক্রোং অহোবাগী থোকগা চল্লে। মখোর অহুম হুরানবনা লৈবস্থা উক্রোং অহোবদু যৌরে। নোংশানা খণ্ডবা ওমলে মসিদা লৈরমলিবসিদি তাইবং মীনি তপ্তা নত্তে, তপ্তা কৌবা শা লৈতে। নোংশাদুনা হায়রকই লান্না থাজবা হায়বসি ফত্তে মসিদা লৈরমলিবা অসিদি তাইবং মীনি, তাইবং মীগী মনমনি মফমসিদা নমলিবাসি অদুনা মতুংদা অমুক কিনু হায়না নোংশানা কৈগা, শামুগদা হায়রী।