Wb/mni/অপঙবা ময়াম্বা/৩

ইয়াশ্বগী শরুকসি মীঙোনদা শান্দোকলুরগে, নত্রগা মীঙোন্দা য়োন্থোকঋগে” হায়রকপদা ময়াম্বগী ৱাদু তাবদা মনাউ নুপা অদু নুংশা থিদুনা “ তাদগী শরুক মকোক অদুনা চাগদবা শজিক অদু ঙসিদগী ঐখোয় অনীনা ফানমিন্নরসি ষনবী অমদি শনাও অসিসু ঐখোয় অনীগী ওইরসি শঙ্গোমসু চামিন্নরসি” হায়দুনা মনাউ নুপানা থেল্লবদুদা ময়াম্বদু য়ানিংলে।

অদুগা অমুক নোংঙানবগা ময়াম্বনা লৈকাইদগী শীংজং পুরব্লগা মাগী শরুক হৈনৌ পাম্বীগী মখোঙ অদু য়াহুৎলগা শীং ওইরগা লোইরে পোয়েল ফজদবা, হায়রম্নগা শীংজং অদুনা হৈনৌ পাম্বী অদু য়ানগে তৌরম্মী। ময়াম্বগী মতৌ অদু উবদা মনাউ নুপা অদু নুংশা থিদুনা তাদগী মখোঙগী শরুক অসি কক্লগনু ঐগী শরুক মশা অদুসু ঐখোয় অনী শীং থামিন্নরসি, অদুগা অপানবা হৈনৌদু চামিন্নরসি ঙসিদগী ঐখোয় অনীগী ওইরসি। মনাউ নুপা অদুগী ৱাদু তাবদা ময়াম্বসু য়ারে। কাঙখল অদুসু নোংঙানবগা ময়াম্বনা মাগী মতমদা ঈশিংদা তিংলগা থম্লে। নুমিদাংদা মনাউ নুপানা থাগে হায়রকপদা ময়াম্বনা খুম্মী “কাঙখল অদু মোলে শুদোক্কে হায়দুনা ঈশিংদা তিংলগা লৈরে।” মনাউ নুপা অদু কাঙখল খনদ্রবনিনা অহিং অদু কাঙনা চিক্লে। নোংঙানবগা মনাউ নুপানা তাদনা নুমিৎ খুদিংগী ঈশিংদা তিংলবদি খনবসু য়াররোই, থুনা শেগায়রনি। অদুনা ঐখোয় অনীনা কাঙখল অসি নোংমা নোংমা খন্নরসি হায়রবদা ময়াম্বা অদুসু হরাউ হরাউ য়ারে। অসুম্না মমৈথংদা মচিল মনাউ অনী শিংবা মান্নদুনা পুন্না তিন্নদুনা লৈমিন্নদুনা নুংঙাইনা পানখি।