Wb/mni/অপঙবা ময়াম্বা/২

নোংমদি ষনবী অদুনা মীগী ইঙ্খোলদা চঙদুনা য়োং নাপী চারুরে, ষনবী মপু থিরকপদা ব্রাহ্মণ মচিল মনাউগীনি খঙলদুনা, ঐগী য়েঞ্চাং নাপী চাখিবসি নখোয় নচিল ননাউনা শিংফম থোকই, শিংভু হায়রবদা মনাউ নুপানা তাদগী শরুক মকোক্না চারুবনি ঐনা শিংফম থোক্তে, তাদনা শিংফম থোকই হায়দুনা মনাউ নুপানা শিংভু য়াদ্রবদা ময়াম্বনা শিংখি। নুমিৎ খুদিংগী নোং হেক ঙানবগা ষনবী অদুনা চানবা শজিক ফানবা ময়াম্বগীনি, মরমদি মাগী মকোক থংবা শরুক্তা মচিন য়াউবনিনা, মচিন্না শজিক চাবনিনা। অদুগা ষনবী অদুনা মচা পোক্লকপনা মনাউ নুপানা মাগী শরুকনি হায়দুনা লৌই। শঙ্গোমসু মাগী শরুক তঙখায়দগী থোকপনি হায়দুনা ময়াম্বদা পীজদে। হৈনৌ অদুসু মশাদগী মনা কেল্লকপা মানা খুন্দুনা মৈ থাই, হৈনৌ পাল্লবসু মাগী শরুক্তা পানবনি হায়দুনা মানা চাই। নুমিদাংদা কাঙ চিকপা মতমদা কাঙখল অদুসু মানা খল্লি ।

অসুম্মা চহী অনী অহুম হৌখে। মনাউ নুপা অশিংবগী ফত্তবা পুকচেল অদু কৈরোল লৈকাইনা অপঙবা ময়াম্ববু মনাউনা শিজিন্নরিবা অদু উবদা মীয়াম্না ময়াম্বসি নুংঙাইতেনে, ময়াশ্বসিদা তৌবিরিবা অসিবু করি মতৌনো? অসুয়া চিবোন চিবোন ভাংনৈ। নোংমা লৈপুং ফমবদা অহল লমন্না অপঙবা ময়াম্বা অদুদা লৌশিং তাকপীরে। অহলশিংনা লৌশিং তাকপীবদগী ময়াম্বা অদুনা মনাউ নুপা অদুদা শাউনিংলে। মবুক ফত্তবা, ঐসু কুমৈ হৌরগেদো হায়দুনা মনাউ নুপানা শব্ঙ্গোম শুল্লিঙৈদা ময়াম্বা অদুনা যনবীদুগী মঙক্তা পুল্লিবা থৌরীদু পায়রগা চিংদুনা পুরকে, মনাউ নুপা অদুনা তাদনা যনবীদু চিংলিবা করিগীনো” ? ময়াম্বা অদুনা মনাউদা “নঙগী নথৌ করি লৈবগে, ঐগী শরুক চিংজবনি। নবুক ফত্তবা নঙনা পোয়েল ফজদবা, ইয়াম্বগী শরুক মকোক অসিগী চানবা নুমিৎ খুদিংগী শজিক ফানবদা ৱারে। মীগী ইঙ্খোলদা চঙদুনা য়োং নাপী চারুবসু ইয়াম্বগী শরুকনি হায়দুনা ঐনা শিংবা।