Wb/mnc/manju gisun/leolen gisuren/juwan emuci fiyelen
leolen gisuren - juwan emuci fiyelen 論語 - 先進第十一
| 1. fudzi hendume, neneme dorolon kumun de dosikangge be, albatu niyalma sembi, amala dorolon kumun de dosikangge be, ambasa saisa sembi, aika baitalaci, bi, neneme dosikangge be dahambi. | 1.子曰 先進於禮樂 野人也 後進於禮樂 君子也 如用之 則吾從先進 | ||
| ............................................................................... | ............................................................................... | ||
| 2. fudzi hendume, mimbe cen gurun, ts'ai gurun de dahame yabuhangge, gemu duka de akū nikai. | 2.子曰 從我於陳 蔡者 皆不及門也 | ||
| ............................................................................... | ............................................................................... | ||
| 3. erdemu yabun de, yan yuwan, min dzi kiyan, žan be nio, jung gung. gisun leolen de, dzai o, dzi gung. dasan -ii baita de, žan io, gi lu, šu tacin de, dzi io, dzi hiya bihe. | 3.德行 顏淵 閔子騫 冉伯牛 仲弓 言語 宰我 子貢 政事 冉有 季路 文學 子遊 子夏 | ||
| ............................................................................... | ............................................................................... | ||
| 4. fudzi hendume, hūi, minde aisilarangge jaka ni, mini gisun de urgunjerakūngge akū. | 4.子曰 回也非助我者也 於吾言無所不說 | ||
| ............................................................................... | ............................................................................... | ||
| 5. fudzi hendume, hiyoošungga kai, min dzi kiyan weri niyalma seme ini ama eme ahūta deote -i gisun ci encu akū. | 5.子曰 孝哉閔子騫 人不間於其父母昆弟之言 | ||
| ............................................................................... | ............................................................................... | ||
| 6. nan žung, cibtui šahūn temgetungge gu -i irgebun be dabtambihe, kungdzi, ini ahūn -i sargan jui be sargan obume buhe. | 6.南容三復白圭 孔子以其兄之子妻之 | ||
| ............................................................................... | ............................................................................... | ||
| 7.gi k'ang dzi, šabisa be we tacire de amuran seme fonjiha de, kungdzi jabume, yan hūi serengge, tacire de amuran bihe, kesi akū jalgan foholon ofi akū oho, te oci akū. | 7.季康子問 弟子孰為好學？ 孔子對曰 有顏回者好學 不幸短命死矣 今也則亡 | ||
| ............................................................................... | ............................................................................... | ||
| 8. yan yuwan akū oho manggi, yan lu, fudzi -i sejen be hoborho -i jalin baire jakade, fudzi hendume, erdemungge erdemu akū seme, inu meimeni jui be hendure dabala, lii -i akū oho de, hobo bi, hoborho akū bihe, bi hoborho -i jalin yafahan yaburakū, bi, daifasai dubede bihe be dahame, yafahan yabuci ojorakū kai. | 8.顏淵死 顏路請子之車以為之槨 子曰 才不才 亦各言其子也 鯉也死 有棺而無槨 吾不徒行以為之槨 以吾從大夫之後 不可徒行也 | ||
| ............................................................................... | ............................................................................... | ||
| 9. yan yuwan akū oho de, fudzi hendume, ai, abka, mimbe gukubuhe ni, abka, mimbe gukubuhe ni. | 9.顏淵死 子曰 噫 天喪予 天喪予 | ||
| ............................................................................... | ............................................................................... | ||
| 10. yan yuwan akū oho de, fudzi -i gasarangge gosihon ojoro jakade, dahalara urse hendume, fudzi gosihon ohobi. hendume, gosihon ohobio, enteke niyalma de gosiholorakū oci, we de ni. | 10.顏淵死 子哭之慟 從者曰 子慟矣 曰 有慟乎？非夫人之為慟而誰為？ | ||
| ............................................................................... | ............................................................................... | ||
| 11. yan yuwan akū oho de, šabisa jiramin -i icihiyame sindaki serede, fudzi hendume, ojorakū, šabisa jiramin -i icihiyame sindaha de, fudzi hendume, hūi, mimbe ama gese tuwaha bihe, bi bahafi imbe jui -i gese tuwahakū, bi waka kai, tere juwe ilan šabisa kai. | 11.顏淵死 門人欲厚葬之 子曰 不可 門人厚葬之 子曰 回也視予猶父也 予不得視猶子也 非我也 夫二三子也 | ||
| ............................................................................... | ............................................................................... | ||
| 12. gi lu, hutu enduri be uilere be fonjire jakade, fudzi hendume, niyalma be uileme mutere unde de, adarame hutu be uileme mutembi. gelhun akū bucehe be fonjiki, hendume, banjire be sara unde de adarame bucehe be sambi. | 12.季路問事鬼神 子曰 未能事人 焉能事鬼 曰 敢問死 曰 未知生 焉知死？ | ||
| ............................................................................... | ............................................................................... | ||
| 13. min dzi, ashan de bisire de, ler ler sere gese. dzi lu, hoo hoo sere gese. žan io, dzi gung, heo heo sere gese. fudzi urgunjehe, io oci, ainahai bahafi sain -i bucere sehe. | 13.閔子侍側 訚訚如也 子路 行行如也 冉有 子貢 侃侃如也 子樂 若由也 不得其死然 | ||
| ............................................................................... | ............................................................................... | ||
| 14. lu gurun -i niyalma cang fu namun be arara de, min dzi kiyan hendume, da an -i bici, antaka, ainu urunakū halame arambi. fudzi hendume, ere niyalma gisurerakū dabala, gisureci, urunakū acanambi. | 14.魯人為長府 閔子騫曰 仍舊貫如之何 何必改作 子曰 夫人不言 言必有中 | ||
| ............................................................................... | ............................................................................... | ||
| 15. fudzi hendume, io -i sentehen, kio mini duka de ai gajiha, šabisa dzi lu be ginggulerakū ojoro jakade, fudzi hendume, io, tanggin de wesikebi, boode dosire unde dere. | 15.子曰 由之瑟奚為於丘之門 門人不敬子路 子曰 由也升堂矣 未入於室也 | ||
| ............................................................................... | ............................................................................... | ||
| 16. dzi gung, ši šang be we sain seme fonjiha de, fudzi hendume, ši dabtalan, šang ebele. hendume, uttu oci, ši fuluo. fudzi hendume, dabtalan, ebele -i adali kai. | 16.子貢問 師與商也孰賢？ 子曰 師也過 商也不及 曰 然則師愈與？ 子曰 過猶不及 | ||
| ............................................................................... | ............................................................................... | ||
| 17. gi halangga, jeo gung ci bayan bime, kio terei funde šuleheleme isabume aisilame nonggire de, fudzi hendume, mini šabi waka kai, šabisa suwe tungken tūme dailanaci acambi. | 17.季氏富於周公 而求也為之聚斂而附益之 子曰 非吾徒也 小子鳴鼓而攻之可也 | ............................................................................... | ............................................................................... |
| 18. cai mentuhun. šen mufuyen. ši hashū. io nukcishun. | 18.柴也愚 參也魯 師也辟 由也喭 | ||
| ............................................................................... | ............................................................................... | ||
| 19. fudzi hendume, hūi haminahabi kai, kemuni untuhun, ts'y hesebun be alirakū ofi, ulin mutebuhabi, bodohongge kemuni acanambi. | 19. 子曰 回也其庶乎 屢空 賜不受命而貨殖焉 億則屢中 | ||
| ............................................................................... | ............................................................................... | ||
| 20. dzi jang sain niyalmai doro be fonjire jakade, fudzi hendume songko be dahalarakū, inu boode dosirakū. | 20. 子張問善人之道 子曰 不踐跡 亦不入於室 | ||
| ............................................................................... | ............................................................................... | ||
| 21. fudzi hendume, leolen -i hing serengge be saišaci, ambasa saisa biheo, cirai arahangge biheo. | 21. 子曰 論篤是與 君子者乎 色莊者乎？ | ||
| ............................................................................... | ............................................................................... | ||
| 22. dzi lu, donjime uthai yabumbio seme fonjiha de, fudzi hendume, ama uthai bikai, adarame donjime uthai yabumbini. žan io, donjime, uthai yabumbio seme fonjiha de, fudzi, ama ahūn bikai sehe. kio donjime uthai yabumbio seme fonjiha de, fudzi donjime uthai yabu sehe, cy bi kenehunjeme ofi, gelhun akū fonjiki. fudzi hendume, kio, bederceku ofi, tuttu ibebuhe. io, niyalma ci nendeki seme ofi, tuttu bederebuhe. | 22. 子路問 聞斯行諸？ 子曰 有父兄在 如之何其聞斯行之？ 冉有問 聞斯行諸？ 子曰 聞斯行之 公西華曰 由也問聞斯行諸 子曰 有父兄在 求也問聞斯行諸 子曰 聞斯行之 赤也惑 敢問 子曰 求也退 故進之 由也兼人 故退之 | ||
| ............................................................................... | ............................................................................... | ||
| 23. fudzi, kuwang -ni bade olhoho de, yan yuwan amala bihebi. fudzi hendume, bi, simbe bucehe, dere sehengge. hendume, fudzi bikai, hūo bi, ai gelhun akū bucembi. | 23. 子畏於匡 顏淵後 子曰 吾以女為死矣 曰 子在 回何敢死 | ||
| ............................................................................... | ............................................................................... | ||
| 24. gi dzi žan, jung io, žan kio be, ujulaha amban seci ombio seme fonjiha de, fudzi hendume, bi, simbe encungge be fonjimbidere sembihe, dule io, kio be fonjiha ni, ujulaha amban, doro -i ejen be uilembi, ojorakū oci nakambi, te io, kio be, amban -i ton seci ojoro dabala. fonjime, uttu oci, dahacaranggao. fudzi hendume, ama, ejen be belere be, inu daharakū kai. | 24. 季子然問 仲由 冉求可謂大臣與？ 子曰 吾以子為異之問 曾由與求之問 所謂大臣者 以道事君 不可則止 今由與求也 可謂具臣矣 曰 然則從之者與？ 子曰 弒父與君 亦不從也 | ||
| ............................................................................... | ............................................................................... | ||
| 25. dzi lu, dzi g'ao be, mi -i bade wailan oso serede, fudzi hendume, weri -i jui be ebdererengge kai. dzi lu hendume, irgen niyalma bikai, boihoju jekuju bikai, ainu urunakū bithe hūlaha manggi, teni taciha sembi. fudzi hendume, tuttu ofi anggalinggūngge be ubiyambikai. | 25. 子路使子羔為費宰 子曰 賊夫人之子 子路曰 有民人焉 有社稷焉 何必讀書然後為學 子曰 是故惡夫佞者 | ||
| ............................................................................... | ............................................................................... | ||
| 26. dzi lu, dzeng si, žan io, gung si hūwa, ashan de tehede, fudzi hendume, mimbe suwenci emu inenggi ahūcilaha seme, minde ume manggašara, an -i ucuri mimbe sarkū sembihe, aikabade suwembe same ohode, maka ainambini, dzi lu gaihari jabume, minggan sejengge gurun, amba gurun -i sidende hafirabure, cooha dain bisire dade, geli yuyun haji ohongge be, io bi dasan ohode, ilan aniya hamime, baturu de obufi, geli ici be ulhibuci ombi, fudzi miosirilame injehe. kio si adarame. jabume, ninju nadanju ba, eici susai ninju baingge be, kio bi dasame ohode, ilan aniya hamime, irgen be tesebuci ombi, aikabade dorolon kumun oci, ambasa saisa be aliyaki, cy si adarame. yabume, mutembi serengge waka, tacire be buyembi. mafari juktehen -i baira, jai acara isara de, doroi etuku mahala etufi, ajige aisilakū ojoro be buyembi. diyan si adarame. šetuhen fitherengge jalapi sirenembi, šetuhen be sindafi ilifi, jabume, ceni ilan nofi -i gūnin ci encu. fudzi hendume, tede aibi, inu meimeni mujin be gisurembikai. hendume, niyengniyeri dubede, niyengniyeri etuku šanggafi mahalahangge sunja ninggun niyalma, ajige juse ninggun nadan niyalma -i emgi, i -i muke de ebišefi, aga baire bade serguwešefi, gingsime bedereki. fudzi kiyangkiyame saišamme hendume, bi, diyan be urušembi. ilan nofi tucike de, dzeng si tutaha. dzeng si hendume, ceni ilan nofi -i gisun antaka. fudzi hendume, inu meimeni mujin be gisurehe kai, fonjime, ainu io de, miosirilame injehe. hendume, gurun be dorolon -i dasambi, terei gisun anahūnjahakū de tuttu miosirilame injehe. kio oci, gurun waka nio. ninju nadanju ba, eici susai ninju baingge, gurun waka oci ai. cy oci, gurun waka nio. mafari juktehen acara isarangge, goloi beise waka oci ai. cy ajige oki seci, we amba ome mutembi. | 26. 子路 曾皙 冉有 公西華侍坐 子曰 以吾壹日長乎爾 毋吾以也 居則曰 不吾知也 如或知爾 則何以哉 子路率爾而對曰 千乘之國 攝乎大國之間 加之以師旅 因之以饑饉 由也為之 比及三年 可使有勇 且知方也 夫子哂之 求 爾何如 對曰 方六七十 如五六十 求也為之 比及三年 可使足民 如其禮樂 以俟君子 赤 爾何如？ 對曰 非曰能之 願學焉 宗廟之事 如會同 端章甫 願為小相焉 點 爾何如 鼓瑟希 鏗爾 舍瑟而作 對曰 異乎三子者之撰 子曰 何傷乎？亦各言其志也 曰 暮春者 春服既成 冠者五六人 童子六七人 浴乎沂 風乎舞雩 詠而歸 夫子喟然嘆曰 吾與點也 三子者出 曾皙後 曾皙曰 夫三子者之言何如？ 子曰 亦各言其志也已矣 曰 夫子何哂由也 曰 為國以禮 其言不讓 是故哂之 唯求則非邦也與？ 安見方六七十 如五六十而非邦也者 唯赤則非邦也與 宗廟會同 非諸侯而何 赤也為之小 孰能為之大 | ||
| ............................................................................... | ............................................................................... |