Wb/min/Resep: Soto Betawi

Soto Betawi

Bahan:

• 500 gram dagiang jawi
• duo halai daun salam
• sacukuiknyo aia putiah
• sasendok makan minyak goreng
• sasendok makan mentega
• sasendok teh micin
• sasendok teh gulo pasia

Bumbu Giliang:

• 9 buah bawang sirah
• 4 buah bawang putiah
• ciek buah dama
• sapadeh ciek rueh jari
• sasendok makan katumba bubuak
• sasendok teh merica bubuak
• 1/2 sendok teh jintan bubuak

  

  soto betawi

Bumbu Palangkok:

• duo batang sarai
• langkueh sarueh jari
• kayu manih sampu jari
• sabungkuih santan instan
• 250ml susu uht amba
• 3 kantang potong ketek-ketek
• 2 buah tomat potong ketek-ketek
• duo batang daun bawang irih

Caro mamasak:

1. siapan dagiang
2. angekan aia di panci agiah daun salam, tunggu sampai mandidiah
3. masuakan dagiang utuh, abuih sampai mandidiah. buangan buih-buih yang ado di permukaan aia. satalah agak barasiah dan wakatu aia mandidiah tutuik panci tu matian kompor. diaman 30 minik tu ulang abuih baliak sampai tujuah minik.
4. angkek dagiang dan potong-potong sasuai salero.
5. abuih baliak salamo 5 menik diaman 30 minik tu abuik baliak 7 minik
6. siapan bumbu giliang jo bumbu palangkoknyo.
7. angekan minyak jo mentega satalah tu masuakan bumbu giliang, aduak rato.
8. masuakan jintan, katumba jo merica. tumih sampai agak kariang dan harum satalah itu masuakan sarai , daun salam, langkueh jo kayu manih, aduak rato. tambahan santan jo susu sembari diaduak taruih supayo santan indak pacah dan manggumpa.
9. satalah tumisan wangi masuakan dagiang dan air rebusannyo.
10. sambia di aduak masuakan penyedap dan gulo pasia, aduak rato, bia sampai mandidiah.
11. masuakan bahan palangkoknyo, tunggu sampai masak.
12. soto betawi siap dihidangan.