Wb/min/Resep: Serundeng Dagiang

Serundeng Dagiang Jawi.

Bahan:

• 500 gr dagiang jawi
• 10 butia bawang merah
• 10 butia bawang putiah
• 1 sdt kamiri (sangrai talabiah daulu)
• 1 sdt marica bubuak
• 1 rueh jahe
• 1 rueh langkueh
• 4 batang sarai
• 1 buah karambia
• 8 buah daun jeruk
• 3 kapiang gulo saka (sasuai salero)
• Garam jo panyedap lainnyo

Caro mambuek:

1. Partamo sakali sangrai buah kamiri dulu kamudian sisiahan. Sudah tu goriang bawang putiah jo bawang merah sarato jahe jo langkueh. Campuakan sagalonyo (tambahan marica bubuak) jo haluikan pakai balender.
2. Tumih bumbu halui sambia masuakkan sarai jo daun jeruk, sampai harum. Masuakkan sageleh aia jo tunggu sampai aianyo manyusuik.
3. Masuakkan dagiang jawi, aduak sampai dagiang barubah warna sudah tu masuakkan aia 3 galeh jo tunggu sampai aianyo mandidiah, lanjuik masuakkan karambia kukuah sambia tarui di aduak hinggo aianyo manyusuik.
4. Jikok aianyo alah manyusuik, masuakkan gulo saka, garam, panyedap kamudian kicok rasonyo. Pindahan apinyo ka sadang sambia di aduak tarui sampai bawarna coklat.
5. Serundeng dagiang jawi siap di idangan.