Wb/min/Resep: Pempek Dos

Pempek Dos

pempek dos

Bahan A:

• duo ratuih limo puluah mili aia
• saratuih duo puluah limo gram tapuang tarigu
• duo siuang bawang putiah
• duo sendok teh garam
• sa sendok teh masako bubuak
• sacukuiknyo udang sayia nan alah di giliang dan di oseang kariang, labiah banyak labiah lamak raso pempek deknyo.

Bahan B :

• duo ratuih limo puluah gram tapuang sagu tani
• duo butia talua ayam ukuran sadang

Bahan Kuah Cuko:

• bawang putiah giliang sacukuiknyo
• lado kutu giliang sacukuiknyo
• gulo merah sacukuiknyo
• garam sacukuiknyo
• asam jawa sacukuiknyo
• aia sacukuiknyo

Caro mambuek adonan pempek:

1. aluihan bawang putiah jo garam, campuan ka aia , masak sampai mandidiah, satalah mandidiah tu tuangan ka tarigu, aduak sampai kalih. dinginkan agak sabanta.
2. satalah agak dingin masuakan talua aduak marato. tambahan tapuang sagu, aduak sampai kalih.
3. alah sudah kalih, bantuak adonan sasuai salero.
4. didiahan aia tambah minyak manih saketek untuak maabuih pempek. kalau aia alah mandidiah masuakan adonan pempek yang alah dibantuak tadi tunggu sampai adonan mangapuang baru diangkek sudah tu tirihan
5. pempek bisa di goreang langsuang atau bisa di simpan di dalam freezer kulkas.

Caro mambuek kuah cuko:

1. masak aia jo gulo merah , tambahan bumbu giliang , garam jo aia asam jawa. aduak rato masak sampai mandidiah.
2. sariang kuah yang alah masak,
3. siap di siraman ka pempek.