Wb/min/Resep: Kue Lupih

Kue Lupih

Bahan

• 750 g (saliter) bareh katan nan rancak, cuci, sariang
• 1-2 sendok makan aia kapua siriah
• daun pisang sacukuiknyo
• 100 g karambia nan lah agak tuo, kupeh, kukua

satangah sendok teh garam

Bahan Pambuek Kuah

• 250 g gulo merah
• 50 g gulo pasir
• 150 ml air
• sahalai daun pandan

Caro Mambuek Kuah

1. Abuih sadoalah bahan sampai mangalagak dan laruik
2. Kok alah mangalagak dan laruik, pindahan ka mangkuak (sariang supayo indak tabaok ampeh-ampehnyo)
3. Tunggu sampai dingin

Caro Mambuek Lupih

1. Aduak bareh katan jo aia kapua siriah hinggo rato
2. Agiah aia barasiah, kamudian biaan tarandam salamo sajam
3. Kok alah sajam, tirihan
4. Ambiak duo potong daun pisan
5. Bantuak daun pisang mode karucuik (sagitigo)
6. Isi jo 3 sendok makan bareh katan
7. Lipek-lipek daun pisang nan alah diisi, kamudian samek bagian bawahnyo jo lidi sahinggo tabantuak sagitigo samo kaki
8. Buek taruih sampai daun pisang dan isiannyo abih
9. Abuih dalam aia nan alah disadiokan sabalunnyo salamo duo jam sampai lunak
10. Kok alah lunak, lupih bisa diangkek
11. Diaman sampai dingin
12. Kok lupih rasonyo alah aman untuak dipacik, bukak bungkuih daun pisang kasadoalahannyo
13. Jan lupo maaduak karambia kukua jo garam dan kamudian kukuih sabanta
14. Siram lupih jo karambia kukua nan alah diaduak marato jo garam tadi
15. Kamudian siram pulo jo kuah gulo merah