Wb/min/Resep: Gulai Tambunsu

Gulai Tambunsu

Bahan Utamo

• 1/2kg usus sapi

Bahan Isian Usus

• 5 buah tahu putiah baukuran sadang
• 5 talua ayam
• 4 bawang putiah untuak dialuihan
• 1 bungkuih kaldu bubuk raso sapi
• 1 sendok teh kunyik bubuk

Bahan Kuah

• sabungkuih bumbu instan raso randang
• 2 halai daun salam
• 3 halai daun jeruk purut
• 1 sarai nan digeprek
• 1 rueh laos
• sabungkuih kaldu bubuk raso sapi
• 2 bungkuih santan instan 65ml
• karambia sangrai nan alah dialuihan (indak wajib)
• gulo jo garam sasuai salero

Caro Mambuek

1. Cuci barasiah usus manggunokan jeruk nipis

Isian Usus

1. Aluihan tahu
2. Campua jo bumbu-bumbu isian
3. Aduak kasadonyo
4. Masuakan talua dan aduak baliak
5. Diaman sabanta
6. Ikek ujuang usus jo tali
7. Masuakan isian nan alah takacau ka dalam plastik sagitigo (piping bag) sabanyak 3/4
8. Ikek baliak usus (buek baulang)
9. Abuih sampai masak salamo 20 minik

Kuah

1. Tumih sadoalah bumbu sampai harum
2. Masuakan aia sacukuiknyo
3. Tunggu sabanta sabalun mamasuakan santan
4. Kok santan ala dimasuakan, aduak taruih
5. Masuakan usus nan alah diisi dan diabuih sabalunnyo
6. Masak dan aduak sampai kental
7. Kok lah sasuai raso jo salero, matian api
8. Angkek tambunsu nan alah jadi, pindahan ka mangkuak/piriang