Wb/min/Lirik: Tasisiah

Tasisiah

Panulih lagu: Iswandi SH; Dipopulerkan: Zalmon

Cando mandanga guruah di hari paneh
saraso jantuang den disungkuik cameh
Kato nan bulek alah basandiang banyak saginyo
Janji dibuek adiak bapaliang diak oi, marangguik cinto

Antahlah.. manga denai disisiahkan
Denai nan indak badayo
Ragam alasan diak pambatehnyo

Oi adiak.. lai den tau nan tasirek diak oi
Tau jo ereang kato sampai
Tau jo bayang diak kato putuih

Usah basilek kato ka denai oi
Elok nan bana kamukokan
Dek ado nan labiah bapunyo
Mangkonyo denai diak oi, adiak sisiahkan

Usah basilek kato ka denai ko
Elok nan bana kamukokan
Dek ado nan labiah bapunyo
Mangkonyo denai diak oi, adiak sisiahkan

Di lahia lah manyatoan jo kato-kato
Di bathin kok den paturuikkan diak oi hati den ibo
Putuih jo apo ka den uleh panyambuang cinto
Banang den lapuak kain pambaluik diak oi, lah cabiak pulo

Antahlah.. manga denai disisiahkan
Denai nan indak badayo
Ragam alasan diak pambatehnyo

Oi adiak lai den tau nan tasirek ko ma diak oi
Tau jo ereang kato sampai
Tau jo bayang diak kato putuih

Usah basilek kato ka denai oi
Elok nan bana kamukokan
Dek ado nan labiah bapunyo
Mangkonyo denai diak oi, adiak sisiahkan

Usah basilek kato ka denai oi
Elok nan bana kamukokan
Dek ado nan labiah bapunyo
Mangkonyo denai diak oi, adiak sisiahkan