Wb/jv/Resèp/Dhawet

Ès Céndhol utawa es dhawet kuwi ombènan kang misuwur ing tanah Jawa, nanging ing dhaérah siji lan sijiné béda-béda bahan lan cara panggawéné. Semono uga jeneng lan jinisé uga akèh banget, kayata dhawet ayu, dhawet tepung beras, dhawet tepung hungkwé, céndhol lidah buaya lsp. Ing ngisor iki kapacak conto salah siji resèp cara panggawéné dhawet kang bahané saka glepung beras lan glepung hungkwé.

Es Cendol / Dhawet Glepung Beras

Bahan Céndhol

125 g glepung beras
50 g glepung sagu
75 ml banyu peresan godhong suji
450 ml banyu
2 sdm banyu enjet (kapur sirih)

Bahan liya

200 g gula abang, sisir
100 ml banyu
500 ml santen, godhog
6 mata nangka, buang wijiné, potong cilik-cilik
Uyah sacukupé

Cara masak

Udhek glepung nganggo banyu. Godhog sisa banyu karo banyu enjet, banyu peresan godhong suji lan uyah nganti umob. Cemplungké larutan glepung, udhek nganti kenthel. Entas.
Siapké ayakan dhawet, dèlèh sandhuwuring baskom isi banyu ès. Sok-ké adonan panas disokké ing ayakan banjur dipenet-penet nganti dadi butiran-butiran dawa.

Tiriské.

Godhog gula lan banyu nganti gula larut. Angkat, saring lan diumbarké nganti adhem.
Penyajian: Isèkké sirup gula jroning gelas-gelas saji, wènèhi céndhol, nangka, lan santen. Tambahké ès batu. Siap disuguhké.
Kanggo 10 gelas

Ès Cendhol / Dhawet Glepung Hunkwé

Bahan

100 gr glepung hunkwe
50 gr glepung beras
100 ml banyu peresan godhong pandan lan suji
600 ml banyu
1 sdt uyah
5 bh daging nangka, potong-potong
100 gr tapé ketan ireng
ès batu, sacukupé

Saus gula abang (godhog, saring):

500 gr gula abang
100 gr gula pasir
200 ml banyu
3 lbr godhong pandan

Kuah santen (godhog)

1500 ml santen
1 sdt uyah
2 lbr godhong pandan

Cara masak

Campur glepung hunkwe, glepung beras, banyu godhong suji, banyu, lan uyah, aduk rata banjur masak sinambi diudhek nganti adonan mateng lan meletup-letup.
Siapké banyu mateng jroning wadhah, banjur dèlèhké ayakan céndhol ing dhuwuré.

Sok-ké adonan panas disokké ing ayakan banjur dipenet-penet nganti dadi butiran-butiran dawa.

Suguhké céndhol nganggo saus gula abang, saus santen, lan ès batu.

Kanggo wong 8