Wb/jv/Dolanan/Dolanan nganggo tembang/Cublak-Cublak Suweng

Dolanan iki prasaja waé. Ana bocah sing diukum kanthi posisi awak kaya wong mbrangkang (nanging mandheg). Dadi, tumpuané nganggo sikut karo dhengkul. Déné, bocah-bocah liyané (udakara wong 4) nèmpèlaké tangané ing geger bocah sing dadi kuwi. Sinambi nembang, ana watu cilik sing diubengaké ing antarané tangan-tangan kuwi. Nalika tembangé mandheg, bocah sing dadi kudu bisa mbadhé sapa sing nyekel watu (ing kéné watu dianggep suweng). Yèn bener, bocah sing nyekel watu kuwi sing gentènan dadi mengkurep.

Tembangé:

Cublak-cublak suweng

suwenge ting gelèntèr

mambu ketundhung gudèl

pak hempong léra-léré

sapa ngguyu dhelikaké

sir sir pong dhelé kopong

Ing béda panggonan, ana ukara/tembung kang béda:

mambu ketundhung gudèl = nganggo kepudhung solek
gelèntèr = gelètèk
hempong = gembong
léra-léré = lirak-lirik
kopong = bodong/gosong