Wb/jam/Yuropiyan Ischri/Di Kraisisdem a di Migl Iejiz

Inchadokshan

Di Migl Iejiz wena piiriad a apraximetli wan touzn ier a ischri; jinarali axep fi span frah di faal a di Ruoman Empaya (tuwaad di hen a di 5f senchri) tu di Pratistant refamieshan ina di 16t senchri. Disya piiriad eh-bigin wid wah dimografik tondong a di hen a di Ruoman impiirial iira, wid Yuropiyan papilieshan a-suingk ah nof siti ah ruural estiet abandan. Klaimit waa get kuol, diziiz, ah palitikal disaada iich plie wah paat ina dis opnin piiriad we si Klasikal Meditarienian sivlizieshan iklips. Rait kraas Yuurop, nof sumaala, muo luokalaiz aibrid sasayati imoerj we kombain Ruoman, Kristian ah Joermanik ar Keltik barbierian influens. Bai di 9t ah 10t senchri, papilieshan eh-riich deh minima, ah Yuurop eh-bikomz wah muosli ruural ah somwat bakwad riijan. Kamoers ah laanin florish ina di Izlamik wol, Chaina ah India juurin di siem piiriad. Izlamik aamidem kangka Spien juurin di 7t ah 8t senchri, bot deh get difiit bai di Frangkish kindom ina 732 wen deh atemp fi enta Frans.

Nyuu Faam a Aat

Buot pientin ah lichicha risiiv bosout wid nyuu laif az di hoerli Migl Ijiz kom tu a hen.

Pientin

Joto (Giotto) eh-bigin fi expres di yuuman faam muo riilistikali. Alduo ih faamdem siim primitiv kompier tu demde a di Renesans aatis, ih wena di fos fi atemp fi bring bak di riilizim a Ruoman aat. Ih aalso bigin fi divelop tekniik a pospektiv ina pientin fi achiiv dept. Muos a ih aat eh ina di faam a plaasta-bies fresko pah di waaldem a chapl ah choch.

Lichicha

Jefri Chaasa (1340-1400)

Fi Chaasa Di Kiantaberi Tieldem (The Canterbury Tales), wah kalekshan a tuori, expuoz di matiirialistik, woli inchres a difrah-difrah taip a Ingglish piipl.

Di Blak Det

Chalinj tu Pirichual Aatariti a di Hen a di Migl Iejiz

Di Migl Iejiz provaid nof fondieshan fi di Refamieshan a di 16t senchri.

Eritikal Muuvment ah Piipl

A nomba a muuvment ah piipl eh-chalinj di aatariti a di choch juurin di hen a di Migl Iejiz.