An adobong kangkong komun na lutong gulay sa Asya, na bisto sa manlainlain na pangaran sa mga tataramon na Asyano. An kangkong (Ipomoea aquatica) ginisa na igwang manlainlain na ibang gulay, rekado, asin kun beses may salak na karne. Parati ini mahihiling sa bilog na Subangan, Sur asin Sur-subangan na Asya.
Mantang an pag-andam kan lutong ini simple sana, inirerekomendar na hugasan nin toltol an gulay. Huli ta an kangkong minatubo sa matubig na mga lugar, dai nakakasiguro kan kalinigan kaini orog na kun ipinapabakal sa merkado.
Mga sangkap
edit- 1 bugkos nin dahon nin kangkong, sinuhay an paklang. Girison nin 1 pulgada an paklang
- 1 pidaso nin sibulyas, tinadtad
- 1 bilog na bawang, rinorot saka giniris
- 1/4 tasang tawyo
- 1/8 tasang suka
- 1/2 tasang tubig, opsyunal
- 3 kutsarang lana
- Giniling na itom na paminta
Pag-andam
edit- Painiton an lana sa sarong kawali.
- Idagdag an bawang. Igisa sagkod na an kolor magin kolor bulawan o kayumanggi. Kuanon an ikaapat na parte kan ginisang bawang asin ibugtak sa malinig na mangko. Itagama ini sa huri para sa dekorasyon.
- Idagdag an tinadtad na sibulyas. Igisa sagkod na maglumoy.
- Ibubo an toyo asin sukà sa kawali. Pakalagà-kagaon.
- Idagdag an paklang kan kangkong. Lutoon nin 2 minutos.
- Idagdag an mga dahon kan kangkong. Ukagon. Padagos an pagluto sa laog nin 30 sagkod 1 minuto. Takopan an kawali asin lutuon sa laog nin 1 minuto.
- Timplahan nin giniling na itom na paminta. Tandaan: pwede man magdagdag nin asin kun kaipohan.
- Ibalyo sa sarong mangko dangan bugtakan nin ginisang bawang.
- Iserbe nin mainit.