An Pandango sarong katutubong bayleng Pilipino na nagin popular sa mga rural na lugar kan Filipinas. An bayle nagbago hale sa Fandango, sarong katutubong bayleng Kastila, na nagdatong sa Pilipinas durante kan panahon nin mga Kastila. An bayle may kaibang castanets. An bayleng ini, siring kan Jota, nagin popular sa mga ilustrado o nin mga nasa itaas na klase dangan kan huri nakibagay sa lokal na mga komunidad. Sa kaamayan kan ika-18 siglo, arinman na bayle na pigkokonsiderar namagaya-gaya asin buhay pinag-aapod na Pandanggo.
Mga bersyon
editDakol an mga bersyon kan bayleng ini asin lambang lokalidad igwang sadiring bersyon. An mga lokal na parabayle dakol an paagi nin pagbayle kan Pandanggo, alagad igwang sarong bagay na agid kan mangiriba-ibang bersyon: igwa sinda nin mga magaya-gayang asin buhay an mga parabayle. Mababayle ini sa ano man na mga pagtiripon asin sa parate may kaiba nin pag-upak. Sa nagkapirang lugar, an mga musikero dai minapondo sa pagtugtog sagkod apat sagkod limang pareha an magbayle, nin surunod. Kun an sarong pareha napapagal, minabayle an saro pa nangyayari sagkod na mayo na nin mabayle. An mga musikero parikas na parikas na minatugtog kada pag-otro sagkod na mapagal an mga parabayle.