User:Rachitrali/ڈرافت
|
|
|
|
|
|
|
|
| سرورق | مشقولگی | مہ آرٹیکلز | اعزازات | منصوبہ | ڈرافٹ | ھوٹو | بشلی کغاز |
توروالی اردو لغت
editممتاز لسانی ماہر انعام اللہ توروالی زبانا اردوا ترجمو سوم جستہ ای آن لاین ڈکشنری ساوزے آسور، ھیہ توروالی زبانو آویلو لغت شیر کہ ھیہ توروالی اوچے اردو زبانا نیویشونو بیتی شیر وا ھیہ لغت ۲۱ فروری ۲۰۱۱ء آنوس عواموالناسو بچے عام کورونو ھوی
توروالی زبان
توروالی زبان، شمالی پاکستانو ضلع سواتو تحصیل بحرینا رایج ای قدیم زبان شیر۔ توروالی لودیاکن تعداد ای لاکھاری زیادہ شیر ۔ ھیہ ہندآریائی زبانان ذیلی گروہ'درد'و سوم تعلق لاکھویان۔ مقامی طورا توروالی رویانتے "کوہستانی" رونو بویان۔ ھیہ زبانا پونچ ھواز ھش شینی کہ ھتیت پشتو اوچے اردوا موجود نیکی۔ھے ھوازان بچے عربیو ترمیم شدہ حروف وضع کورونو بیتی شینی۔ لسانی اعتبارو سورا ھیہ زبان گاؤری اوچے انڈس کوہستانیو سوم مماثلت لاکھویان۔
توروالی لغتو بارا
ھیہ لغتہ اوشٹ ہزار توروالی الفاظ شینی وا ھیتان درجہ بندی، اردوا معنیان علاوہ ھیتان اجزائے کلامو بنیادو سوررا کورونو بیتی شیر۔ ھیہ ڈکشنریا اردواری توروالی فرہنگو سہولت دی موجود شیر۔ ھیارا ضرب الامثال اوچے روزمرہ ومحاوران ساری علاوہ توروالی قبائل ، رسوم اوچے رواج وا ژاغان نام دی دیونو بیتی شینی۔ پھودوان اوچے کانان نامان سوم جستہ جستہ ھتیتان سائنسی نام درج کورونو بیتی شینی۔ بعض الفاظان سوم جستہ ھتیتان ثقافتی اوچے تاریخی پس منظرو دی وضاحتو کورونو بیتی شیر وا کورا کہ ابہامو امکان اوشوی ھتیرا مزید وضاحتو بچے ھتیان مثالی جملا دی استعمال کورونو بیتی شیر۔
انعام اللہ، لغت نویس
لغتو تالیفو کوروم توروالی برادریو سوم تعلق لاکھاک لسانی ماہرجناب انعام اللہ 1996 ء آغاز آریر۔ ھسے تان برادریو رویان مددو سورا لغت نیویشیکو کورمو ابتداء آریر وا انڈکس کارڈان اوچے کمپیوٹر پروگرام ٹول باکس اوچے لیگزیک پرو استعمالو آریر۔شروع شروعا بعض مغربی ماہرین لسانیات دی انفرادی طورا ھو سوم مدد آرینی لیکن شاو مودو موژی ھو رابطہ شکاگو یونیورسٹیا لسانی ماہر محترمہ ڈاکٹر الینا بشیر سوم ھوی۔ ھتیغار آچہ نیشنل جیوگرافک دی ھوتے لغوی موادو تکمیل اوچے نظرثانیو بچے ای گرانٹو منظوری پرایی۔ مئی 2010 ء لغتو توروالی-اردو حصہ IDRC تعاونو سورا پین لوکلائزیشن پراجیکٹو تحتہ نیشنل یونیورسٹیاری چاپ ھوی۔ وا ھے لغتو بیشتر نسخہ توروالی برادریا بلاقیمت تقسیم کورونو ھونی۔ زیر نظر آن لائن توروالی ڈکشنریو کورومIDRC کینیڈو مالی تعاونو سورا پین لوکلائزیشن پراجیکٹو تحتہ مرکز تحقیقات لسانیات (سینٹر فار لینگویج انجنیئرنگ) واقع الخوارزمی انسٹیٹیوٹ آف کمپیوٹر سائنس، یونیورسٹی آف انجینئرنگ اینڈ ٹیکنالوجی ، لاہورا پایہ تکمیلوت تورتایی۔ ہدیہ ِ تشکر: توروالی لغتو سرورقو زبیر توروالی ساوزے آسور۔