User:Estela Ramírez
YAJA ITUKEY ESTELA ITZUNTUKEY RAMIREZ
editYaja nesik tik ne shiwit shikil chiknawi tzunti nawi pual majtakti.
Ne tanestuk se ipal ne metzti majtakti se tik Jujutla inan itukey Paula itzuntukey Lopez, Yaja nawataketza wan iteku itukey Miguel Angel itzuntukey Patriz; ishulejyu itukey Vicente Alexander, yejemet kipiat se siwapil itukey Joselin Gabriela.
Keman yaja chikitik katka tesu iweyti itech inan ikayaja pejki tekitki sujsul chikitit maya welik mumachtiaj nawat iwan inan maya chupichin.
Elvira tekitki tik ne kuna nawat kwak ne inan mikik, ken nantzin tamachtuiani tik ne shiwit ume shikipil kashtul se kia ne welik mumachtia iwan ne najnantzin tamachtiani maya uni shiwit.
Tik ne shiwit ume shikil kashtul ume pejki mumachtia tik sentzunat iwan MINED iwan miak tajtamachtiani kia ne mumachtij ken tawawasua wan miak ipanpa tunelwayu kwak tamik tik ne shiwit ume shikipil kashtul yey yaja pejki tekitkitik. Ne tamachtiluyan ipal witzapan ka yey shiwit.
Yaja tekitki tik ne ichan cultura iwan ne najnantzin ka né yejemet takwikat tajtakwikalis tik nawat nusan kipalewi ne ichan cultura ka ume shiwit ke né nawat nusan mumachtij iwan ne nawataketza.
Estela iwan Gabriela kichiwket ume takwikalis ipal muchi kenekit mumachtia nawat uni Tajtakwikalis sujsul galanchin ika pal ne pijpipil.
Tik ne shiwit ume shikipil senpual pejki tekiti iwan MINED ken tamachtiani iwan ne tamachtiluyan ne ipal witzapan wan ne tamachtiluyan ipal Masahuat kiane yaja kipalewij ne ume nawataketza.
Tik ne siwit ume shikipil se pual se yaja kipia tuya ukse piltzin yaja itukey Joaquin an yaja kipia ume shiwit wan mumachtia nawat tik ne kuna nawat.
Tik ne shiwit ume shikipil se pual ume yaja pejki se sennemit ipal ne sijsiwajket itukey iyulu nutechan kane nemi majtakti yey siwat yejemet takwika maya tik nawat muchi yejemet ipilawan nawataketza wan yejemet kipiat ipilawan chikitikchin nusan kipiat ukse sennemit itukey ne tajpianimet ipal witzapan
An Estela uksenpa tekiti tik ne kuna nawat yaja sujsul paki ika weli kinmachtia miak pijpipil pal ne nawat shushikisa.
Bibliografía
editReportaje Diario Mundo jueves 24 de agosto 2023 https://diario.elmundo.sv/nacionales/la-nueva-generacion-de-maestras-nahuat
Canta Estela Patriz junto al Coro Fulbright en el Auditorio del Instituto Americano Madrid (España), febrero de 2020 Directora: Alicia Rivero Arreglos y piano: Sonia Megías https://www.youtube.com/watch?v=J719sWmXOMc