Template:Wq/om/Quote of the day
Jechama Mi'aahaa Yeroo
editHin beeku, hin danda'u hin jedhin.
.jpg)
Wanti hunduumtuu kaka'umsaafi yaalii dhala namaarraan argamani. Rechard Branson kitaaba isaa "screw it let's do it" jedhu irratti akka barreessetti "Hojjettoonni koo kaamphaanii Varjin obbo eeyyee (Mr yes) jedhanii na waamu. Sababiinsaa hin hojjennu waanan hin jenneefi. Wantoota hojjechuu dhiisuu caalaa wantoota hojjechuuf caalaatti karaan natti mul'ata. Ejjennoonkoo (murtoonkoo) "maarree ha hojjennuu" Kan jedhuudha. Waan kana akkan itti hojjedhu waanan hin beekneef hin danda'u jedhee hin beeku. Nan yaala. Seeroonni waa'ee hin baafne hojjechuu irraa na hin dhowwan.
Karaa seera qabeessa ta'een akkan itti hojjedhu hin
dhabu. Hojjettoota kootti akkas jedheen hima
"hojjechuu barbaannaan hojjedhaa". karaa kana
Hundi keenya fayyadamoo taanaa.
"Hin danda'u" wanti jedhuus si dadhabsiisuu hin
qabu. Karooraa kee fiixaan baafachuuf muuxannoo
hin qabdu yoo ta'e fala barbaadi.
Fakkeenyaaf xiyyaaraa balaliisuu barbaadda yoo
ta'e buufata xiyyaaraa deemii shaayii danfisii
gurguri. Iji kee yeroo hundaa banaa ha ta'uu. Ilaalii
baradhu. Dizaayinara faashinii ta'uu barbaadda yoo
ta'e dirqama mana barumsaa aartii galtee
barachuun sirraa hin eegamu. Kaamphaanii faashinii
seenii qulqulleessuun qacarami. Karaa ittiin ol
guddattu barbaadi" jedhe.
Waan hundumaa yaali. Utuu yaaliin hin jiraanne
daa'imni daa'imee Muka qabatee ol ka'ee hin
dhaabbatu. Dhaabbatee suuta miilla butee hin
adeemu. Ji'arra qubachuun bu'aa yaaliiti. Muka
qabataa Kan hin qabne qilleensarra xiyyaaraan
balali'uun bu'aa yaaliin as fideedha. Hin danda'u
jechi jedhummoo miiraa yaalii ajjeesa. Yaaliin
immoo miiraa hin danda'amu jedhu balleessa. Hin
beektu yoo ta'e baruuf carraaqi hin beeku jettee hin
taa'in. Hin danda'u hin jedhin danda'uuf carraaqi.
Beeekuunis danda'uunis nii danda'ama. hin beeku
hin danda'u hin jedhin.
Waan dubbiftaaniif Galatooma.
Barruu kana kan barreesse ana miti.Waan natti
toleefin isiniif qoode.