Template:Wp/xmm/Tulisan gaga
Albert Einstein tu saorang ahli fisika, dia laer pa Jerman. Dia kase kembang tu teori relativitas, satu deri dua pilar penting fisika tempo ini (satu yang laeng lagi tu mekanika kuantum). Dia pe karya-karya takanal dang, sabab kase pangaru basar pa filosofi ilmu pangatahuan. Parsamaan Einstein yang paling takanal tu rumus kesetaraan massa-energi (), yang dapa sebut "parsamaan paling takanal di dunia". Einstein dapa trima Nobel Fisika pa taung 1921 "sabab dia pe jasa vor fisika teoretis, dan lebe khusus vor dia pe temuan tentang hukum efek fotolistrik", yang jadi langka panting dalang kase kembang pa teori kuantum.
