Template:Wp/brh/Portal:Bráhuí Laozánk/Gicená şaer

Usage

The layout design for these subpages is at {{Wp/brh/Portal:Bráhuí Laozánk/Gicená şaer/Layout}}.

1. Add a new biography to the next available subpage.
2. Update "max=" to new total for its {{Wp/brh/Random portal component}} on the main page.

Poems

1

Nádir Kambráńŕí

Usták pareşáno be addo isáb aeno Axxas ki mare láđí şá ete şaráb aeno. Dá hálá rasefene dá ust nane sańgat, Dú án te aren ur ní dun xuáro xaráb aeno. Dáģe ní jitáí ná vá tixpa nana ustá, Dá uste uşingoká pen kappa karáb aeno. De đukko ģame cáik? Xuaşşí e xaná der? Ant modao mátane? Ant sázo rabáb aeno? Ae vámíá jannat ná ae húro şarábák ná, Affas kane darkár ic,xuaiva saváb aeno. Xáxar ná jitáí ná,vá lamba kare ján á, Zú bar ki niyán bedis nan massun azáb aeno. Başşámo hatam pad mon,láđí ná kasar teŧí, Caŧ tissuno şáģáno dun atro guláb aeno.

---

2

Razzák Sábir

PÁLIŞ VÁLÁ CUNÁ Dá kaná kopaģák názurk á, Dá kuben ingá zind aná bárem, Xaniv hamsar ti ust múşkingik, Ser affas o tená guází án. Básuná de o rohav o goŕíc, Í uŧ taniyá taŕa siá túlok, Xank kaná saxto oftá natteŧí. Xuaş mareva ki Í xaniv vaxtas, Kass ená mukuná cavaŧ áte, Dá kaná vahí o dá kaná xuárí, Xanira kul vale kass arrifpak. Báva ná axxa juáno sexá se, Şart dáde ki o mare joŕ us, Káŧum as Í marosuŧ taniyá o, Tená báxo ná fikr án cuŧŧásuŧ. Panc kunoko are kaná rand á, Juáno báxo ase kin arer sikkok, Sob án şám iská antas Í kaŧŧev, Kulle tá bevasí aŧ caŧŧera. Vaxt vaxtas ki soc keva Í, Zindagí á tená areŧ haerán, Ant andáŕ kin massunuŧ paedá? Sob aton baş marev barev uriv, Pen ná búŧ áteŧ tená mone

---

3

Afzal Murád
Nan cána Táríx gavá e Vaxt e samá e Tená duşman kin ust aŧí vadí marok á Nafrat ná ciŕínk Ziráb joŕ mannińg aŧí Vaxt xalek, ure kek Táríx nane párene Nan cána nane samá e Vaxt zálim áte andá ziráb aŧí Is maresa xanáne Táríx dáná gavá e

---

4

Kifáyat Karár

NÁ KIFÁYAT KARÁR MASSUNE Ust cíánŧ kappa’ ní árám kar’ ná Kifáyat Karár massune Mutkun á ít o gapp áte gírám gírám kar’ ná Kifáyat Karár massune Oná dek tárma o’ oná nank tárma o’ one xanpak agar’ oná xank tárma o Tenkin da nante’ tube yá gorbám kar’ ná Kifáyat Karár massune Urpa oná ní takdír tanyáí á’ urak dun tená rańg o zebáí á Zind ásán af’ kasse amgám kar, ná Kifáyat Karár massune Ust ne án maxińg o xuaşşí xuápara’ ne í ŧáko sekin asul pápara Macci bişxinda ní kasse án vám kar’ ná Kifáyat Karár massune Nan karárí ganokí e pána karar’ dáná dod áte am juán cána karár Dun ganokí ní kappa’ zaras pám kar’ ná Kifáyat Karár massune

---

5

Nádir Kambráńŕí

Pallav á ná şáģite kas ájoí başxiş as aff Zind aná vápár e dá káŧum tinińg aŧ dú barek. Bangal á varnáko, námús e vatann ná rakkira Zindagí ná dá şaraf oftá kahińg aŧ dú barek. Kaom akin ábad mare jannat mare oná vatan Dá guŕá be damdaring, xuárí kuning aŧ dú barek. Zindagí ná suhb e tená káŧum á kas kaŧŧitav Sangatí, saevat aviŕda mux tafińg aŧ dú barek. Ájoí ná godal e dun xumb aŧí decá ales? Dá parí parra ditar ná şolifińg aŧ dú barek. Betavár á aeş o árám zindagí mark ase Zindagí pára taho to Zaģm xalling aŧ dú barek.

Nominations

Add new nominations at the top.