Talk:Wp/ppl/Tesiwayu

Tiawit tikishtiat?

NIna ka te nemi yek ini "tajkwilul" - tay anhinat anmejemet? Ini ne tajtaika:

• Nina ka te ijkiuni itukay tik Nawat. (Shikitakan katani...)
• Te kipia tatka ne tajkwilul, semaya se fotoj. (Wan ne chiupichin palabraj tik "Nawat" te nemit tik Nawat yek, muita ká ne kitajkwiluj te weli Nawat...)
• Te tikmatit ká kichijki.

Yajika, tay tiawit tikchiwat? Tiawit tikishtiat? O tiawit tikchiwat se tajkwilul ken muneki ipanpa ini? Wan ká yawi kichiwa? (Ninaskia ka su aka yawi kichiwa, ma kichiwa se kimati wey, ken se tapajtiani - Werner?) Weli muchiwa su aka kineki, pero su ijkiuni:

• Ma te kipilu ka nikan hasta ma tami tajkwilua (kenha ken tikchiwat iwan muchi ne tajtajkwilul tik ne Wikipediaj Tik Nawat).
• Tikitakan ken yawi muilwia.
• Tiknekit tikmatit ká ne tajkwilua.

Pero ashan te nikita yek ma naka ijkiuni. --A R King (talk) 08:43, 10 April 2012 (UTC)

Tikpiat miak palabraj ne welit mukwit pal titaketzat ipanpa ini takutun ipal tuweyka. Nikan nemit sejse yejemet:

Palabraj	Ká inak	Kan kiajsik	Tay kineki ina
chiwilut	Calvo Pacheco	Ijtzalku	vulva
-chunchu	Werner Hernández, Calvo Pacheco	Ijtzalku, Nawisalku	vulva
-chunchukuyu	Calvo Pacheco	Ijtzalku	vagina, vulva
-joyo	Werner H.	?	vagina (anka < Cast. hoyo?)
-koktzin	Werner H.	Witzapan	vulva
-kwijchil	Werner H., Calvo Pacheco	Ijtzalku	vulva
kwanakat (?)	Calvo Pacheco	Ijtzalku	clítoris
(-)nenet	Calvo Pacheco	Ijtzalku	vagina, vulva
(-)palach	Werner H.	Nawisalku	vulva
(-)palan	Calvo Pacheco	Ijtzalku	vulva
(-)palanch (??)	Calvo Pacheco	Ijtzalku	vulva
(-)pashpa	Werner H.	Kwisnawat	vulva
(-)pucha	Calvo Pacheco	Ijtzalku	vulva
(-)pupyuch	Calvo Pacheco	Ijtzalku	vulva
(-)shawal	Werner H.	Kwisnawat	vulva
(-)shulishin	Werner H.	Kwisnawat	vulva
-tan	Schultze Jena	Ijtzalku	diente; clítoris (nusan Calvo P.: "tajtan" ?)
-tili	(miak)		ano; vulva (Jorge Lemus: clítoris ¿¿??)
-weyka	Lyle Campbell	Witzapan	cuerpo ; vulva

Ken tikitat, nemit wey. Uni te yek, ika te tikmatit katiawel ne yek wan te tikmatit su se yejemet weli mukwi nujme, o sejse tik se techan, sejse tik ukse techan. Muita ka sejse yejemet te yejyek: sejse ken "tili" wan "weyka" kinekit inat seuk; "palanch" te weli nemi yek ika ne Nawat te kipia pajpalabraj ne tamit iwan ume consonantej...

Naja nikmati ka anka "palanki" se palabraj tik Meshijkataketzalis; kineki ina tay ne tik Nawat tinat PALANIK o PALANTUK (podrido). (PALANI podrirse, -PALA te yek.) Shikitakan nusan "palan", "palach" tik ne listaj ka ikajku. --A R King (talk) 08:43, 10 April 2012 (UTC)

Yek tel, panutiwit chiupi tunal wan te aka nankilijtuk. Mumati nusan ka sejse te kitat yek ma nemi ini iswat ken nemi. Yajika niaw nikishtia ne ILPIKA ipal ini iswat tik ne Achtu Iswat. Ma naka ne iswat pal muita tay tinatiwit hasta ma tisentaketzakan pal tikitat tay tiawit tikchiwat.--A R King (talk) 06:56, 13 April 2012 (UTC)

Nikneki nikpata ne itukay ini tajkwilul.

Naja nina ka pal ashan nemit pal tiktukaytiat ini tajkwilul "Vaginaj" ika inteuk nemi se taketzalis estandar. Nimumachtiani2 (talk) 16:00, 19 May 2023 (UTC)