Incubator:Wt/ary/ويقاموس:ليستة د لفقرات

كلا دخلة ف ويقاموس كيكونو فيها فقرات مختالفين لي كايشرحو ؤلا كيليستيو عناصر من شي نوع متعلّقين ب الدخلة ؤلا كلمة كاتماتل ديك الدخلة. كلا كلمة مشروحة ف صفحة ديال دخلة خاص يكونو عندها فقرات ديالها. متلاً الدخلة ديال ضرب، فيها لفيعل "ضرب" و السمية "ضرب" لي كلا واحد فيهوم عندو شرح و أمتلة و مرادفات ديالو. يلا كانو نفس لمعلومات غادي يتعاودو مابين لكلمات ف نفس الدخلة (متلا لأصل ؤلا لمشتقات)، من لأحسن تكون غير فقرة وحدة ليهوم (مربوطة معا لكلمة اللولة لي مشروحة).

هاد الصفحة كاتجمع ليستة د عناوين لفقرات لي متوفّرين دابا. يلا كانو فقرات خرين باقين خاصين، تقدر تقتارحهوم ف صفحة د لمداكرة التابعة ل هاد الصفحة.

لعناوين د لفقرات كيتدارو عادةً ف هاد لموضيل: {{S|عنوان د فقرة|ary}}. لكوض كيدلّ على الداريجة، ولاكين مبدئيا يقدرو يتزادو دخلات و فقرات ب أي لوغة خرة.

أصل ؤلا إتيمولوجية: لأصل ديال لكلمة ف شي لوغة ؤلا لوغات خرين.
نطق ؤلا نطقان: كاتشرح كيفاش كاتّنطق لكلمة ب لألفبائية لفونيتيكية.
مشتقات: كلمات مشتقين من ديك لكلمة
مرادفات: كلمات عندهوم نفس لمعنى
تصريف: تصريف ديال فيعل
تصغير: تصغير ديال كلمة (متلاً حليب => حليبة، لحم => لحيمة، لحيّم، كدّاب => كديديب...)
معاكسات ؤلا كلمات مضادة: كلمات كاتعني لعكس
متعلق: كلمات متعلّقة ف لمعنى ؤلا ف لأصل
قتيباسات: قتيباسات من كلام مشهور (متلا ف أغاني ؤلا كتوبا) كيخدم ديك لكلمة
تعبيرات: تعبيرات متداولة فيها ديك لكلمة
كلمة مركبة: كلمات مركّبين من ديك لكلمة ب لملاصقة د جوج كلمات ؤلا كتر (قليلة ف الداريجة)
ڤيديو: ڤيديو كيبيّن داكشي لي موصوف ب لكلمة
متلات: متلات شعبيين مخدّمين ديك لكلمة
طرجامة: طرجامة د ديك لكلمة ب لوغات خرين
كتابة كلاسيكية: كتابة كلاسيكية (ب النسبة ل الداريجة ب لعربية) ديال لكلمة
شكال لهجاوية: شكال ديال نفس لكلمة ف لهجات خرين
شكال ديال لكتبة: شكال ديال لكتابة د نفس لكلمة (بحال لمغريب، المغريب، المغرب)
مسامعية: كلمات كيتنطقو ب نفس الطريقة، ولاكين ماعندهومش نفس لمعنى ؤلا لكتابة
شوف تا ؤلا شوف: شي حاجة متعلّقة يقدر يشوفها لواحد لي مايمكنش تزاد ف شي فقرة خرة
نوطة ؤلا نوطات: نوطات على شي تفصيل عندو علاقة ب لكلمة
مصادر ؤلا مصادير ؤلا إحالات ؤلا مصدر: كتوبا و مراجيع لي كانلقاو فيهوم شرح ديال لكلمة ؤلا ميتال ديال التخدام ديالها