Incubator:Wp/hoc/Birbagehon

Birbagehon (feral child, wild child) do, Baleḱtaesirma aete ge Hoojanapaḱ (human contact) sangin re tannga akan aete, Hooneélsapaṕ (human care),, sangitala Sepentapae (social behaviour),, Jagar reaḱ Nelàdasẽa (experience), menaḱ re jokoć ge baredo banoḱ lekan baleḱ individual tanać. Enkan Hon ko taḱ primary,, secondary socialization reaḱ Reht́sẽa (basic knowledge) kaa taena. En term do, Egerrupú (abuse) baredo Trauma te tensubâ len tayom bage eṛaḱ jan baredo nir at́ jan Hon ko iíngul re agujoṅoḱa. Enko ge misâ misâ kodo Folklore,, Legend ko ren Subject akanakô, often do, Birjiwt́ ko hara maraṅ ken gekô portray akana. Birjiwt́ ko japaḱ re Hon ko nam akan sange case ko menaḱ reó, Birjiwt́ ko Hon kokô asulkô tan reaḱ Nenelmet́kanatai (eyewitness account) ko banoḱa.

Description

edit

Birbagehon ko taḱ, normally do enculturation process te etooḱ basic Sangêtalaaḱèpeto (social skill) ko kaa taena. For example, enko Aṕenpaisenjonoṅ (toilet usage) kakô eto dae emana,, goṭa Taêsirma otetí akan te ombaḱ sen keet́ Mulitingusen kakô etooḱ emana,, aka daradari ren Hoosepentipí (human activity) paa te Nelònorbaánoḱkô uduṕ emanêa. Enkô often Hataṅimpair akan ge ko neloḱa, oḍoḱ, Hoojanagar (human language) eton re kaaparomdaeoḱ noḱ trouble taena. Esu sirma tannga sangin len taeken te, Naturaljagar Etondanae impair janaḱ lagit́ do, often Jagarèneto reaḱ critical period menaḱ menteaḱ ge reason mente menoḱa, oḍoḱ ena ge Critical Period Hypothesis lagit́aḱ evidence lekate uduḱ joṅoḱa.

Birbagehon ko reaḱ Scientificsẽa do esu beteḱ ge menaḱa. Kajioḱ lekate, best-documented case kore miât́ do, India aḱ bir re "Ṭẽoḱ ko asul kena" mente 1926 re Reverend J. A. L. Singh kaji sartal ken Amala,, Kamala unḍiboko kin. France aḱ surgeon Serge Aroles mendo, en case do, Singh taćaḱ orphanage lagit́ funding harom aágu lagit́ uskur let́ fraud mente persuasively ć argue akat́a. Amala,, Kamala do hataṅhomoo disable akan gekin unduṕ lena mente Honkopsychologist Bruno Bettelheim kaji tat́a. Enreóge, Genie aḱ case lekan Birbagehon ko chetan eṭaḱ scientific study ko menaḱ gea.

History

edit

1600 ko maaṅ do, Birbagehon koaḱ Story ko do usually Myth,, Legend ko jooṅ ge taekena. En story ko re Birbagehon koaḱ depiction re, Jom nam te sangar tanaḱ, bar Kaṭa te kaa otetí akan te nir tanaḱ, Jagar kaa etoannaḱ ko taemesa kena. Philosopher,, Scientist ko, enkan Hon ko menaḱ teaḱ Concept paa te Nelònor taekena, enkan Hon ko do Hoohita aete eṭaḱ Hita ren ko chi mentekô kuli eṭeć let́ taekena.

18th,, 19th century re Science re Hooharamanaraṅ (human development) nutumê oḍoḱ haṭińòkoaê (categorize) teaḱ,, Natural World munḍiê teaḱ attempt taeken loḱ, nen Kunuli do seriously ataṅ jan taekena. 20th century naaćpaa, Psychologist ko Biological Behaviour oḍoḱ Culture urumsapaniṅê teaḱkô attempt let́a. Tapannga re baredo Birjiwt́ ko loḱ taeken Birbagehon ko en Dilemma ren Example lekakô taekena.

Birjiwt́ ko taḱ hara len Hon ko reaḱ Journal Kanatai ko

edit

Primate/Gai ko haramaraṅ ken kô

edit
  • Marina Chapman do huṛiṅ akan 5 sirma aete 9 sirma noḱ jooṅ do fail jan Anarkit́ tayom Columbia aḱ Bir re Weeper Capuchin Gai ko loḱń taekena menteć claim tat́a. Birbagehon ko re nena ko do unusual gea, mendo ać tayom koć ãandi yena,, Hon ko hoba yena,, persisting Problem ko banoḱ loḱ aćaḱ Life largely normal ge taekena.
  • Robert Mayanja (1982), 3 sirma akan re Uganda aḱ Civil War imita, Milton Obote aḱ soldier ko Kampala aete 80 km saniṅ tać Hatu ko raid ket́ re, Engaàpu kinać at́ ket́kina. Robert do National Resistance Army ren soldier ko nam let́ić jooṅ apêa sirma Bir reć jiwt́ lena, presumably Vervet Gai ko loḱ.
  • Saturday Mthiyane (Mifune menê reó) (1987), 5 Sêrmâ lekać hobaoḱ lekan Koahon do, South Africa aḱ KwaZulu-Natal re mii sirma Gai ko loḱ taekeneet́eć nam lena. Ać nam len Musiṅ re, Saturday kô saki ket́ića, oḍoḱ Mythiyane do ać admission ken Special School ren Headmistress aḱ Nutum taekena. 17 sirma hoba len re, jagar kać dae taeken gea, Gai leka geć sen,, ućen taekena. Isin akan Jomaḱ musiṅ ó kać jom ket́a, oḍoḱ eṭaḱ Hon ko loḱ hapaṭiń,, inuṅ kaćaḱ jana. 2005 re, sengel teć ló goć jana.
  • Uganda ren John Ssebunya do, aćaḱ Apute, Engateć goć ket́ić tayomeć haka goćen jan re, Oómbaḱhoneć taekena. Care facility te senoḱ sati, vervet Gai ko loḱ taeneć senoḱ jana. Bar sirma, Forage,, Travel eć eto kena. Bir re Gai ko raka let́ića. 7 sirma lekać hoba len re, civilization teć agu ruââ lena. Miat́ Enpaihatôrenićaḱ kaji lekate, ać Hon len re, ać dae taeken communication form do Raḱ,, Jomaḱ asi sekar, oḍoḱ ać do saben ko boroać lekan "Bir ren hon" geć taekena. Imita aete ać do tayom, full Jagardanaeć eto ket́a, oḍoḱ Uganda lagit́ bar dao Special Olympics reóć compete let́a.

Ṭẽoḱ ko hara maraṅ ken

edit
  • Hesse ren Ṭẽoḱ Hon ko do (1304, 1341 oḍoḱ 1344), Hesse ren Bir ko re Eurasian Ṭẽoḱ loḱ kô taekena:
    • Ayaraḱ Koahon do (1304), 3 sirmać hoba akan re Ṭẽoḱ ko goḱ ket́ića, 7, 8 sirma lekać hoba len re, Ṭẽoḱ ko "Rabaṅ re abarum tala ket́ić te, sangar agu let́ bôgênùtar jêlô ajom ket́ić" tekô nelić taeken re Benedictine monk ko nam let́ića.
    • Enić tayom do Prince Henry aḱ Court teć kul yena, oḍoḱ Human Society ć nel sebe yen reó Ṭẽoḱ ko taḱ geń sukuat́ać men.
    • Second Koahon do (1341), kaa saṕ ichinneć nam kena, huaḱ gotaḱ kenać, ote tí akan te geć nir baa kena oḍoḱ bench suba reć ukunn yena. Aćkô emat́ Jomaḱ ko kaćaḱ yena oḍoḱ nam len tayom ge chimin singi aurioḱ regeć goć yena.
    • Third Koahon (1344) do, Rabaṅdipili Witterau ren farm Echtzel japaḱ reć nam lena. "The Hart" kô metaḱ ibil Bir menaḱ area re Ṭẽoḱ ko loḱ 12 sirmać taekena. En area do Hunting Ground leka let́ Noble ko nam let́ića. Eventually 80 sirmaoḱ geć tae yena, mendo nam yen tayom geć goć yena mente ó report menaḱa.