ixt tənəs pot kənim. mayka munk lalam (isik) pus munk-ɬatwa kənim kʰapa tsəqw. tilixam kʰapa kʰanawi iliʔi ɬaska munk kənim. anqati kʰanawi-qʰa tilixam ɬaska ɬatwa kʰapa kənim. alta kʰəpit ixt-ixt tilixam ɬaska munk kənim pus ɬatwa, bət alta hayu tilixam ɬaska munk kənim pus hihi. ixt-ixt kənim t’uʔan sil. mayka munk stik, chikəmin, q’əl-klis, əbə skin pus munk kənim. ixt əbə hayu tilixam ɬaska munk-ɬatwa ixt kənim.
kənim-nim-ikta edit
"ɬxwap-kʰapa-stik" kənim: ixt-ixt qʰənchi tilixam ɬaska munk kənim, ɬaska iskam ixt stik, pi ɬaska munk hayash ɬxwap kʰapa ukuk stik. (wəx̣t ɬaska munk-dret-t’ukti ukuk bot.) qʰənchi mayka ɬatwa kʰapa ukuk kənim, mayka miɬayt kʰapa ukuk ɬxwap. ixt ɬush "ɬxwap-kʰapa-stik"-kənim pot kʰapa uk iləp-sax̣ali pʰikcha.
anqati hayu tilixam kʰapa ukuk iliʔi ɬaska munk kʰalakwati-stik pus kənim, pi wəx̣t ɬaska munk kənim pus t’ɬap məkʰmək.
stik-skin-kənim: anqati hayu tilixam kʰapa gitəp-san-iliʔi ɬaska munk stik-skin pus munk kənim.
skin-kənim:
inuit-tilixam ɬaska munk ulx̣ayu-skin pus munk kənim. ɬaska munk makwst skin-kənim: umiaq pi qayaq. hayu ayaq pi dret wik-tʰil ixt qayaq, pi qayaq-isik t’uʔan makwst lalam-"latet". alta tilixam kʰapa kʰanawi iliʔi ɬaska munk pot kakwa qayaq. kʰapa bastən-wawa, mayka wawa "kayak" pus inuit-tilixam ɬaska qayaq pi chxi bot kakwa ɬaska qayaq.
