ᥛᥣᥐᥱ ᥚᥭᥰ edit
ᥛᥣᥐᥱ ᥚᥭᥰ ᥘᥭᥳ ᥑᥣᥛᥰ ᥟᥤᥒᥰ ᥐᥣ ᥘᥤᥖ ᥑᥝᥴ ᥞᥩᥒᥳ ᥝᥣ pierardia sapota [1] ᥔᥥᥴ ᥑᥣᥛᥰ ᥛᥣᥢ ᥞᥩᥒᥳ ᥝᥣ ကနစိုးသီ။ ᥐᥨᥢᥰ ᥞᥝᥰ ᥐᥭᥳ ᥖᥐ ᥐᥢ ᥝᥣ ᥛᥣᥐᥱ ᥟᥢ ᥛᥭᥲ ᥔᥥᥴ ᥙᥫᥢ ᥙᥥᥢ ᥛᥣᥐᥱ ᥔᥒᥴ ᥘᥭᥴ ᥘᥦᥲ ᥑᥨᥝᥲ ᥖᥩᥙᥱ ᥛᥢᥰ ᥘᥢᥳ ᥝᥣ"ᥛᥣᥐᥱ ᥚᥭᥰ"ᥘᥭᥴ ᥞᥝᥳ။ ᥛᥣᥐᥱ ᥚᥭᥰ ᥘᥭᥳ ᥓᥥᥛ ᥘᥧᥐ ᥟᥩᥢᥱ ᥐᥨᥢᥰ ᥘᥨᥒᥴ ᥟᥩᥢ ᥐᥢ ᥕᥣᥛᥲ ᥐᥤᥢ ᥖᥨᥭᥰ ᥘᥦᥲ ᥟᥩᥢ ᥐᥢ ᥞᥧᥳ ᥓᥐᥴ ᥐᥢ ᥐᥛᥳ ᥙᥣᥲ ᥘᥛᥴ။ ᥖᥨᥢᥲ ᥛᥣᥐᥱ ᥚᥭᥰ ᥘᥭᥳ ᥙᥥᥢ ᥟᥣ ᥛᥥᥝᥰ ᥖᥨᥢᥲ ᥑᥥᥝᥴ ᥖᥣᥱ ᥔᥥᥱ ᥘᥦᥲ ᥟᥩᥐᥱ ᥓᥩᥛᥰ ᥟᥩᥒᥲ ᥖᥤ ᥚᥨᥢᥴ ᥖᥨᥐᥱ ᥘᥛᥴ ᥘᥢᥳ ᥕᥝᥳ။ ᥖᥣᥒᥰ ᥔᥧᥒᥴ ᥖᥨᥢᥲ ᥛᥢᥰ ᥖᥤᥴ ᥔᥧᥒᥴ ᥛᥩᥐ 40 ᥗᥖᥴ ᥖᥨᥝᥱ 50 ᥗᥖᥴ၊ ᥘᥛᥰ ᥛᥢᥰ ᥖᥥᥴ ᥛᥤᥰ ᥕᥧᥱ ᥛᥩᥐ 3 ᥗᥖᥴ ᥖᥨᥝᥱ 5 ᥗᥖᥴ။ ᥘᥫᥳ ᥛᥭᥳ ᥛᥢᥰ ᥙᥥᥢ ᥟᥣ ᥕᥩᥒᥱ ᥐᥛᥱ ᥘᥦᥒ ᥔᥥᥴ ᥐᥦᥢᥱ ᥑᥦᥒᥴ ᥝᥭᥳ ᥕᥧᥱ ᥖᥣᥢᥱ ᥖᥣᥢᥱ။ ᥑᥣᥝᥰ ᥘᥫᥢ ᥔᥤᥱ ᥘᥭᥳ ᥛᥩᥐᥱ ᥛᥢᥰ ᥛᥩᥐᥱ ᥛᥣᥰ ᥔᥥᥴ ᥑᥣᥝᥰ ᥘᥫᥢ ᥞᥣᥲ ᥘᥫᥢ ᥞᥨᥐᥱ ᥘᥭᥴ ᥛᥣᥐᥱ ᥛᥢᥰ ᥔᥧᥐᥴ ᥕᥧᥱ ᥕᥝᥳ။ ᥑᥣᥝᥰ ᥛᥣᥐᥱ ᥚᥭᥰ ᥔᥧᥐᥴ ᥘᥢᥳ ᥖᥛ ᥖᥤ ᥖᥨᥢᥲ ᥛᥢᥰ ᥔᥛᥳ ᥙᥨᥝᥰ ᥕᥩᥭᥳ ᥙᥨᥒ ᥕᥨᥒ ᥙᥣᥒ ᥕᥣᥒ ᥘᥤ ᥐᥩᥲ ᥘᥤ ᥖᥨᥭᥰ ᥘᥭᥲ ᥞᥢᥴ ᥘᥒᥱ ᥘᥢᥴ ᥘᥛᥳ ᥘᥣᥭᥰ ᥙᥩᥰ ᥙᥧᥢᥰ ᥓᥩᥛᥰ ᥕᥧᥱ။ ᥛᥣᥐᥱ ᥚᥭᥰ ᥘᥭᥳ ᥛᥣᥐᥱ ᥙᥥᥢ ᥙᥨᥐ ᥙᥥᥢ ᥝᥣᥴ ᥚᥦᥒᥱ ᥘᥒᥱ ᥛᥣᥐᥱ ᥟᥤᥖᥱ ᥘᥢᥳ ᥘᥦᥲ ᥟᥥᥒᥰ ᥐᥣ ᥘᥥᥖ ᥑᥝᥴ ᥞᥩᥒᥳ ᥝᥣ burma grapeᥛᥣᥐᥱ ᥟᥤᥖᥱ ᥛᥣᥢ ᥘᥭᥴ ᥕᥝᥳ။
ᥘᥣᥭᥰ ᥙᥧᥐᥱ ᥘᥣᥭᥰ ᥔᥩᥛᥲ edit
ᥛᥫᥒᥰ ᥛᥣᥢ ᥛᥫᥒᥰ ᥖᥭᥰ ᥖᥥᥳ ᥐᥩᥭᥰ ᥞᥧᥳ ᥟᥝ ᥓᥫᥳ ᥛᥢᥰ ᥙᥧᥐᥱ ᥔᥥᥴ ᥙᥬᥳ ᥐᥤᥢ ᥛᥣᥐᥱ ᥛᥢᥰ ᥘᥣᥭ ᥘᥣᥭ ᥐᥩᥭᥰ။ ᥐᥩᥭᥰ ᥐᥣ ᥐᥧᥢ ᥟᥤᥢᥱ ᥖᥤᥳ ᥕᥣᥳ ᥙᥩᥖᥴ ᥟᥩᥐᥱ ᥖᥣᥖᥳ ᥘᥢᥳ ᥖᥥᥳ ᥖᥨᥢᥲ ᥛᥣᥐᥱ ᥚᥭᥰ ᥘᥭᥳ ᥑᥝᥴ ᥐᥙᥴ ᥖᥨᥢᥲ ᥛᥢᥰ ᥔᥥᥴ ᥙᥧᥐᥱ ᥟᥝ။ ᥖᥨᥢᥲ ᥛᥣᥐᥱ ᥚᥭᥰ ᥘᥭᥳ ᥖᥥᥳ ᥛᥭᥳ ᥛᥢᥰ ᥟᥛᥱ ᥙᥨᥝᥰ ᥑᥝᥲ ᥖᥣᥒᥰ ᥖᥪᥰ ᥖᥤ ᥗᥬᥴ ᥘᥦᥲ ᥖᥤᥴ ᥘᥭᥲ ᥝᥣ ᥐᥩᥭᥰ ᥙᥧᥐᥱ ᥙᥬᥳ ᥐᥤᥢ ᥛᥣᥐᥱ ᥛᥢᥰ ᥐᥩᥭᥰ ᥘᥭᥴ ᥕᥧᥱ ᥕᥝᥳ။
ᥘᥣᥭᥰ ᥐᥤᥢ edit
ᥛᥣᥐᥱ ᥚᥭᥰ ᥘᥭᥳ ᥚᥩᥒᥰ ᥛᥫ ᥛᥢᥰ ᥙᥭᥱ ᥛᥣᥐᥱ ᥘᥢᥳ ᥟᥣ ᥕᥩᥒᥱ ᥛᥢᥰ ᥑᥥᥝᥴ ᥝᥭᥳ ᥔᥥᥴ ᥙᥨᥝᥰ ᥝᥣ ᥛᥣᥐᥱ ᥛᥣᥰ ᥘᥭᥴ ᥙᥫᥐᥱ ᥟᥢ ᥞᥨᥝᥱ ᥛᥣᥐᥱ ᥛᥢᥰ ᥘᥢᥳ ᥘᥫᥒᥴ ᥛᥣᥰ။ ᥛᥣᥒ ᥓᥫᥰ ᥐᥩᥲ ᥙᥥᥢ ᥟᥣ ᥕᥩᥒᥱ ᥘᥦᥒ ᥑᥩᥒᥱ။ ᥔᥒᥴ ᥝᥣ ᥐᥩᥐᥴ ᥙᥦᥖ ᥙᥫᥐᥱ ᥞᥨᥝᥱ ᥛᥢᥰ ᥘᥢᥳ ᥘᥭᥴ ᥘᥬᥰ ᥛᥢᥰ ᥖᥤᥴ ᥛᥤᥰ ᥝᥭᥳ ᥔᥣᥛᥴ ᥐᥤᥙᥱ၊ ᥘᥬᥰ ᥘᥫᥒ ᥐᥤᥙᥱ ᥔᥛᥳ ᥛᥤᥰ ᥓᥫᥳ ᥐᥦᥢᥱ ᥛᥢᥰ ᥘᥫᥒ ᥛᥥᥖ။ ᥟᥣ ᥕᥣᥳ ᥔᥣᥱ ᥛᥢᥰ ᥖᥥᥳ ᥛᥤᥰ ᥔᥩᥒᥴ ᥙᥫᥒ 1. ᥟᥢ ᥔᥨᥛᥲ ᥘᥦᥲ 2. ᥟᥢ ᥝᥣᥢᥴ။
ᥛᥣᥐᥱ ᥚᥭᥰ ᥘᥦᥲ ᥙᥣᥭᥰ ᥕᥧᥱ ᥘᥤ edit
ᥑᥣᥝᥰ ᥞᥨᥝᥴ ᥚᥨᥢᥴ ᥙᥥᥢ ᥑᥣᥝᥰ ᥛᥣᥐᥱ ᥚᥭᥰ ᥛᥣᥐᥱ ᥔᥧᥐᥴ ᥘᥦᥲ ᥘᥧᥐ ᥟᥩᥢᥱ ᥑᥝᥴ ᥐᥭᥳ ᥘᥥᥱ ᥐᥤᥢ ᥛᥣᥐᥱ ᥚᥭᥰ ᥘᥛᥴ ᥙᥨᥢᥳ ᥘᥦᥲ ᥐᥭᥳ ᥓᥣᥒ ᥙᥥᥢ ᥖᥩᥒᥳ ᥓᥥᥙᥴ ᥖᥩᥒᥳ ᥑᥪᥢᥲ ᥖᥩᥒᥳ ᥐᥣᥱ ᥘᥦᥲ ᥐᥨᥢᥰ ᥘᥨᥒᥴ ᥑᥝᥴ ᥗᥧᥐᥱ ᥘᥤ ᥖᥨᥭᥰ ᥗᥪᥒᥴ ᥑᥝᥴ ᥕᥣᥱ ᥙᥥᥱ ᥙᥢ ᥑᥝᥴ ᥐᥤᥢ ᥘᥛᥴ ᥘᥭᥴ ᥕᥧᥱ ᥕᥝᥳ။
ᥙᥫᥒ ᥟᥤᥒ = edit
- မြန်မာ့စွယ်စုံကျမ်း၊ အတွဲ ၁၊ (က-ကုံ)၊ နှာ ၃၁။
- ↑ J.N Cushion, Shan English Dictionary, page 470