ꠝꠤꠑꠣ ꠚꠣꠘꠤ, ꠡꠣꠖꠥ ꠚꠣꠘꠤ ꠛꠣ ꠈꠣꠅꠀꠞ ꠚꠣꠘꠤ ꠅꠁꠟꠧ ꠉꠤꠀ ꠄꠈ ꠎꠣꠔꠤ ꠚꠣꠘꠤ ꠎꠦꠔꠣꠔ ꠘꠥꠘ ꠘꠣꠁ ꠛꠣ ꠕꠣꠈꠟꠦꠅ ꠘꠥꠘꠞ ꠚꠞꠤꠝꠣꠘ ꠄꠈꠦꠞꠦ ꠔꠥꠞꠣ ⁕ ꠙ꠆ꠞꠣꠇ꠆ꠞꠤꠔꠤꠇꠜꠣꠛꠦ ꠛꠘꠣ ꠚꠣꠔ꠆ꠔꠞꠤ-ꠛꠦꠞꠣ, ꠏꠘ꠆ꠘꠣ, ꠟꠦꠇ, ꠉꠣꠋ, ꠛꠞꠣꠚꠏꠠꠤ, ꠛꠞꠚ ꠅꠔꠣ ꠡꠣꠖꠥ ꠚꠣꠘꠤꠞ ꠝꠥꠟ ꠇꠥꠐꠤ ꠛꠣ ꠃꠔꠡꠧ ⁕ ꠝꠣꠘꠥꠡ ꠔꠤꠞꠣꠡ ꠝꠤꠐꠣꠘꠤꠞ ꠖꠣꠄ ꠎꠦ ꠚꠣꠘꠤ ꠚꠤꠀꠁꠀ ꠕꠣꠈꠦ, ꠅꠔꠣꠞꠦ ꠝꠤꠑꠣ ꠚꠣꠘꠤ ꠛꠣ ꠡꠣꠖꠥ ꠚꠣꠘꠤ ꠒꠣꠈꠣ ꠅꠄ ⁕ ꠡꠣꠉꠞ, ꠝꠢꠣꠡꠣꠉꠞꠞ ꠚꠣꠘꠤꠔ ꠎꠔꠧꠔꠣ ꠘꠥꠘꠔꠣ ꠞꠁꠍꠦ ꠎꠦ ꠁꠔꠣ ꠚꠣꠘꠤ ꠚꠤꠀ ꠃꠚꠎꠥꠉꠤ ꠘꠣꠄ ⁕ ꠔꠛꠦ ꠝꠣꠘꠥꠡ ꠎꠦꠔꠣ ꠚꠤꠀ ꠈꠣꠄ, ꠔꠣꠞ ꠢꠇ꠆ꠇꠟꠐꠤꠘ꠆ꠔꠞ ꠃꠔ꠆ꠡ ꠝꠤꠐꠣ ꠚꠣꠘꠤ ꠢꠤꠡꠣꠛꠦ ꠡꠤꠇ꠆ꠞꠤꠔ ꠘꠣꠄ ⁕ ꠈꠣꠞꠘ ꠁ ꠎꠣꠔꠤ ꠝꠤꠐꠣ ꠚꠣꠘꠤ ꠚꠞꠤꠡ꠆ꠇꠣꠞ ꠀꠞ ꠘꠤꠞꠣꠚꠖ ꠘꠣꠄ; ꠚꠣꠘꠤꠟ꠆ꠟꠉꠦ ꠈꠔꠤꠇꠞ ꠛꠦꠇ꠆ꠐꠦꠞꠤꠀꠞ ꠝꠔꠘ ꠅꠘꠥꠎꠤꠛ ꠊꠣꠚꠐꠤ ꠝꠣꠞꠤ ꠕꠣꠈꠔꠧ ꠚꠣꠞꠦ ⁕ ꠚꠣꠘꠤꠞ ꠚꠤꠀꠍ ꠝꠤꠐꠟꠦꠅ ꠛꠣꠖꠦ ꠘꠥ ꠝꠣꠞꠣꠔ꠆ꠔꠇ ꠛꠦꠝꠣꠞꠞ ꠈꠣꠞꠘ ꠅꠁꠎꠤꠔꠧ ꠚꠣꠞꠦ ⁕ ꠝꠣꠘ꠆ꠡꠦ ꠎꠦ ꠚꠣꠘꠤ ꠈꠣꠄ ꠁꠔꠣ ꠘꠤꠞꠣꠚꠖ ꠅ ꠞꠥꠉ-ꠎꠤꠛꠣꠘꠥꠝꠥꠇ꠆ꠔ ꠀꠞ ꠛꠥꠔꠟꠎꠣꠔ ꠅꠁꠀ ꠕꠣꠈꠦ ⁕ ꠝꠤꠑꠣ ꠚꠣꠘꠤ ꠛꠟꠔꠦ ꠡꠣꠖꠥ ꠛꠣ ꠈꠣꠅꠀꠞ ꠚꠣꠘꠤꠞꠦ ꠛꠥꠏꠣꠄ ꠎꠦꠔꠣ ꠘꠥꠘꠔꠣ ꠚꠣꠘꠤꠞ ꠃꠟ꠆ꠐꠣ ⁕
