عەلیجان جاھد (١٩١٧ لە کرماشان - ١٩٩٢ لە تێران) گوورانیچڕ و مووسیقازان خەڵق شار کرماشان بۊ.
ژیان
editعەلیجان جاھد لە ساڵ ١٩١٧ (١٢٩٦ کووچی ھەتاوی) لە شار کرماشان لە داڵگ بۊ. ناو باوگی ئسماعیل بۊ ک ئەوەیش دەنگ خوەشێگ داشت. نەقڵە ک لە سن جوانێ لە کات ڕەێ بۊن لە نزیکی چێمەن سەی عەلی لە شار کرماشان دەنگ حوسێن داودی شنەفتیە و وەدۊاێ ئەو وەگەرد داودێ ئاشنا بۊە و دەس کردیە وە تەمرین ئاواز و مووسیقا و دەسگایل مووسیقا و ئاواز وە تەمامی لەلێ یاێ گرتیە.
عەلیجان جاھد لە کرماشان وەگەرد گرووێگ کار کردیاد ک حەسەن ڕەجوانی ڤیۆلۆنژەن، نوسرەتوڵڵا نازری تارژەن، جەمشیدمیرزا دەوڵەتشایی و مستەفا شاھەندە گوورانیچڕ لەناوی بۊن.
دۊاێ کووتایی ھاتن شەڕ جھانی دووەم لە ساڵ ١٩٤٦ (١٣٢٥ کووچی ھەتاوی) چییە تێران و ئەورە نێشتەجێ بۊ. لە تێرانا د کەڕەت وە داوەت ڕادیۆ ئێران لە ڕادیۆ بەرنامە ئجرا کرد. وەلێ دۊایی دەس لە کار کیشا و بجگە دانیشتەیل دووسانە جیێگ تر نەخوەنی.
عەلیجان جاھد لە ساڵ ١٩٩٢ (١٣٧١ کووچی ھەتاوی) لە شار تێران کووچ دۊایی کرد و ھە لە تێرانیش وە خاک سپاریا.
سەرچەم
edit- نظافتی، ایرج. ١٣٧٧. تاریخ موسیقی کرمانشاه، با مقدمۀ استاد حشمت الله مسنن، کرماشان: طاقبستان، چاپ اول؛ پ ٢٦-٢٧.