မဒေါနား (Madonna) ဆိုရေကား အီတာလျံ ဝေါဟာရဖြစ်ပနာ အသျျှင်သခင်မ ဟု အဓိပ္ပာယ်ရကာ ခရစ် တော် ယေရှုဧ့ မယ်တော် အပျိုစင်မေရီ (ဝါ) မယ်တော်မာရီ အား ရည်ညွှန်းရေ။ မယ်တော် မာရီအား လည်းကောင်း၊ မယ်တော် မာရီကိုရည်စူးပနာ ရီးခြယ်ထုလုပ်ရေ အရုပ်ကား၊ ရုပ်တုရို့ကို လည်းကောင်း မဒေါနားဟု ခေါ်ရေ။
အေဒီ ၄ ရာစုနှစ် နောက်ပိုင်းတွင် ခရစ်ယာန် အယူဝါဒီတိအဖို့ခရစ်တော်ဧ့ မယ်တော်မှာ မိမိရို့ခိုလှုံ အားထားရာဟု သဘောပိုက်လျက် မယ်တော်မာရီအား အထူးပင် ကြည်ညို ကြဧ့။ မယ်တော် မာရီရေ လူခပ်သိမ်းအတွက် ကြားဝင်ပနာ သားတော်ကို ပြော ကြားတောင်းပန်ပီးနိုင်စွမ်း ဟိရေဟု ယုံကြည် ရေအားဖြင့် ဒေပိုင် ကြည်ညိုခြင်းဖြစ်ဧ့။ အထူးအတွက်နန့် ရောမကက်သလစ်ခေါ် ဗရင်ဂျီဂိုဏ်းဝင်တိက ပိုပနာ သက်ဝင် ယုံကြည်ကြလီရေ။ သို့အားဖြင့် မယ်တော်မာရီအား ရည်စူး ပနာ ပန်းချီကားတိ ရီးခြယ်၊ ရုပ်တုတိ ထုလုပ်လျက် ခရစ်ယာန်ရို့ရေ နေ့စဉ် ဝတ်ပြုကြလီရေ။
မဒေါနားပုံတော်ကို ပထမဆုံး ရီးဆွဲသူမှာ စိန်လုက ဖြစ်ရေဟု ဆိုရိုးဟိရေ။ သို့ရာတွင် အပျိုစင်နန့် သားတော် ငယ်ရို့ဧ့ ပုံတော်ကို ခရစ် ၄၃၁ နှစ်နောက်ပိုင်းတွင်မှ လက်ခံကိုးကွယ်ကြလီရေ။ သို့ဖြင့် မဒေါနား ရုပ်ပုံတော် တိကို အများအပြား ရီးဆွဲခကြလီရေ။ အဟောင်းဆုံး ပုံတော်တိကို ရှေးဦးခရစ်ယာန် အယူဝါဒီရို့ခိုအောင်းရာ လိုဏ်ဂူတိတွင် တွိ့ဟိရဧ့။ လက်ဦးကာလက ရီးခြယ်ရေ ပန်းချီပုံတိတွင် တိရေအားဖြင့် မယ်တော် မာရီရေ လက်အုပ်ချီကာ ဘုရားဝတ်ပြုနေသည့် အသွင်ဖြစ်ပနာ ရွှေနန့် တန်ဆာဆင်ထားရေ ဝတ်ရုံပြာကို ခေါင်းမှလွှမ်းပနာ ရုံထားလိ့ဟိဧ့။ ခရစ် ၁၂ဝဝ ပြည့်အထိ ယင်းရေ ဗိုင်ဇင်းတိုင် နမူနာဟူပနာ တွင်ဧ့။ ယကေလည်း ဉာဏ်သစ်အရီးပုံ ခေတ်ဦးကာလက ပန်းချီဆရာတိရေ ဟန်သစ်ထွင်လျက် နောက်ခံရှုခင်းတိကို ပါဝင်စေဧ့။ ဉာဏ်သစ်အရီးပုံခေတ် ရေ တိုးတက်ပနာ အထွတ်အထိပ်သို့ရောက်ဟိရေနန့်အမျှ မဒေါနား ပုံတော်တိလည်း ထူးခြားခမ်းနားလာဧ့။
တစ်ကျောင်းတစ်ဂါထာ တစ်ရွာတစ်ပုဒ်ဆန်း ဆိုဘိပိုင်ပင် ပန်းချီ ပန်းပုဆရာရို့လည်း အမျိုးမျိုး ဉာဏ်ကွန့်ပနာ မွမ်းမံ အတွက်နန့် တစ်ဦးနန့်တစ်ဦး တစ်မူခြားနားရေ လက်ရာတိဖြင့် မဒေါနားပုံတော် ပန်းချီရီးဆွဲ ထုလုပ်ခြင်းရေ ခေတ်စားလာ လေဧ့။ မယ်တော်နန့် သားတော်ပုံရို့ရေ တိစွာသဘာဝ ကျလာရေ။ သားတော်ကို ပိုက်ချီထားသည့် မယ်တော်မာရီဧ့ ပုံတော်ရေ မိခင်ဧ့ မေတ္တာနန့် ပြည့်လျှမ်းသည့် အသွင်ကို ဆောင်နေပေဧ့။ သို့အားဖြင့် ၁၄ ရာစုနှစ်နန့် ၁၆ ရာစုနှစ် အတွင်းက ပန်းချီပန်းပု ဆရာမှန်သမျှ မဒေါနားရုပ်ပုံတော်ကို အနည်နန့်အများ ရီးဆွဲထုလုပ်ဘူသူချည်းပင် ဖြစ်ခဧ့။
မဒေါနားနန့် သားတော်ရို့ဧ့ ပန်းချီကား ပန်းပုရုပ် အမြောက်အမြားပင် ပေါ်ထွန်းလာရေ။ ဒေပိုင်ရီးခြယ် ထုလုပ်ရာ၌ ပန်းချီ ပန်းပုဆရာရို့ရေ ကာလ၊ ဒေသကို အများအကျ မသတ်မှတ်ဘဲ မိမိရီးဆွဲနေစဉ် ခေတ်က ခေတ်စားရေ အဝတ်အစားတိအလိုက် မဒေါနားကို ဝတ်ဆင်ပီးသည့်အတွက် မဒေါနားပုံတော်မှ အဝတ် အစာတိမှာ တစ်ခုနန့် တစ်ခု ကွဲပြားခြားနားလျက် ဟိဧ့။
မဒေါနားပုံတော်ကို ရီးခြယ်ထုလုပ်ခသည့် တိလှစွာရေပန်းချီ ပန်းပု ဆရာတိအနက် အထင်ရှားဆုံး မှာ အီတာလျံ ပန်းချီကျော် ရက်ဖီအယ်ဖြစ်ဧ့။ ရက်ဖီအယ်ဧ့ လက်ရာတိရေ အနုပညာမြောက်ပနာ စံတင် လောက်ရေ လက်ရာတိဖြစ်လီရေ။ သူဧ့ ပြောင်မြောက်လှရေ မဒေါနားပုံတော် ပန်းချီကားတိကား ကုလားထိုင်ပေါ်မှ မဒေါနား ပုံတော်နန့် မဒေါနားရေ သားတော်ကို ပိုက်ချီလျက် ကောင်းကင်ဘုံမှ သက်ဆင်းလာခိုက် စိန်စစ်ကစတပ်နန့် စိန်ဗာဗရာ သူတော်စင်နှစ်ပါးက အောက်ဘက်တွင် ဝတ်တွား ကြည်ညိုနေ ပုံ ကားချပ် ရို့ဖြစ်ဧ့။ မဒေါနားပုံတော် ရီးဆွဲရာတွင် ထင်ရှားရေ အခြားပန်းချီ ဆရာရို့မှာ ဖရား ဖီလစ်ပိုလစ်ပီ၊ လီယိုနာဒိုဒါဗင်းချိ၊ ဗဲလီနီနှင် တစ်ရှန်ရို့ဖြစ်ဧ့။
မဒေါနားပုံတော်တိကို အီတာလျံ ပန်းချီဆရာ တိက အထူးအတွက်နန့် ရီးဆွဲကြလီရေ။ သို့ရာတွင် ဂျာမန်ပန်းချီ ဆရာ ဟောလဗိုင်း၊ ဖလင်းမစ်လူမျိုး ဗန်ဒိုက်နန့် စပိန် ပန်းချီဆရာ မူရီလျိုရို့ဧ့ ပြောင်မြောက်ရေ မဒေါနားပုံတော် ပန်းချီလက်ရာတိကိုလည်း တွိ့ရလီရေ။
၁၆ ရာစုနှစ် နောက်ပိုင်းတွင် မဒေါနားပုံတော် ပန်းချီရီးခြယ်ခြင်း နည်းပါးလားပနာ ဉာဏ်သစ်အရီးပုံ ခေတ်ကကဲ့သို့လည်း မကောင်းမွန်တော့ချေ။[1]
ကိုးကား edit
- ↑ မြန်မာ့စွယ်စုံကျမ်း၊ အတွဲ(၈)